Abiatutako ekintzez ezezik, gainera, Udala irtenbide alternatiboak ari da bilatzen zaborren ohiko bilketarentzat, eta haien artean, bilketa pneumatikorako sistema bat ikertzen ari da. Hartara, Hirigintza eta Ingurumen arloei agindutako txosten teknikoen ondorioak ikusita, sistema herriko etxalde eta garapen gune berrietan ipintzea eta osaturik eta sendo dauden guneetan bideragarri den edo ez aztertzea proposatuko da, hirian edukiontziek eta hauen bilketarako ibilgailuek eragiten dituzten eragozpen estetikoak, zaratak, hatsak, aparkaleku kopuruaren gutxitzea eta ikuseremu arazoak arindu aldera.
Azterketa teknikoetan esaten da lehen analisi batean antzematen den zailtasunik handiena beharrezkoak diren xurgatze eta bilketa plantak non ipini dela Getxok dituen itxuragatik eta biztanle dentsitate desberdinak dituelako.
“Bere bideragarritasuna ari gara aztertzen”, azaldu du Imanol Landak, “uste osoa dudalako sistema automatiko honek, zaborren bilketaren alorrean aurrerapen teknologikoa izateaz gain, bizitza kalitatea handitu eta hiriko ingurumen maila hobetuko duela, bilketa egiten duten ibilgailuak eta kaleko edukiontziak kenduz. Osasunaren aldetik ere hobetu egingo da, zaratak eta gas isuriak gutxitu eta oinezkoen eta ibilgailuen ikuseremua zabaldu egingo dira, besteak beste”.
“Horregatik”, gehitu du Getxoko Alkateak, “epe ertain-luzerako plana ari gara prestatzen hori gauzatzeko inbertsio oso garrantzitsuak egin behar izango ditugulako sasoi batez”.
Zaborren bilketa pneumatikoki egitea aztertzen ari da Getxoko Udal Gobernua
2008ko api. 10a, 18:58
Imanol Landa (argazkian) buru duen Gobernu Taldea zaborren bilketa pneumatikoa ipintzeko bideragarritasuna aztertzen ari da, gaur udal iturriek zabaldu dutenez. Ekimen hau, kaleetan dauden edukiontziek edo sastarrak batzeko kamioiek eragiten dituzten eragozpenak gutxitzeko dagoeneko egiten ari diren ekintzen harira dator: "jakin badakigu herritarrek zerbitzuaren gaineko iritzi ona dutela", nabarmendu du Getxoko alkateak, “baina hobetzen jarraitu nahi dugu. Horregatik ari gara kaleetan dauden edukiontzien eta sastarrak batzeko kamioiek eragindako eragozpenen ondorioz egun daukagun egoera nabarmen hobetuko duten ekintza berriak ezarri ala ez ezarri, horren gaineko hausnarketa egiten”. Abiatutako neurrien artean daude, berbarako, hainbat aldeetan era guztietako edukiontziak batzeko ordutegia aldatu egin dela, edukiontzi asko lekuz aldatu direla hauek eskura errazago eduki eta auzotarrentzako eragozpenak gutxitzeko. Halaber, dendak dauden guneetan hobekuntzak egin dira, GEEM elkartearekin adostutakoaren inguruan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun