Abesbatza berri hau ikasturte honetan sortu berria da Leioako Udal Musika Eskolako koralaren eskutik. Guztira, 15 eta 23 urte bitarteko 25 gazteek osatzen dute talde musikal hau, denak Leioako Kantika Koralean hezitakoak, honela musikarengatik duten zaletasunari jarraipena ematen diote.
Lumegarekin hiru dira Leioako Udal Musika Eskolak dituen lan ardatzak, bigarrena Leioa Kantika Korala izango litzateke eta hirugarrena La Kantoria neska gazte taldea da. Azken honek 2007an Zumarragako Antigua Abesbatzak txapelketan lehen saria lortu zuen, eta herri horretan maiatzaren 30ean izango den Espainiako X. Kantu Koraleko Nazio Sari Nagusia lehiaketarako prestaketa lanetan dabiltza. Izan ere, Zumarragan Estatu espainiarreko sei koru-txapelketen irabazleak lehiatuko dira.
Lumega Gazte Abesbatza Lamiakon kantatuko du larunbatean
2008ko api. 10a, 19:52
Basilio Astulezen zuzendaritzapean eta Garbiñe Abendaño sopranoaren laguntza teknikoarekin etzi, larunbata, 20:30ean, Lumega Gazte Abesbatza izango da Lamiakoko San Maximo elizan antolatutako kontzertuan. Abesbatza gaztearen bigarren ekitaldia da hau joan den martxoaren 8an Lumegak bere aurkezpena egin zuenetik, eta oraingoan Gasteizko Udaberriako ikastetxearen Gazte Abesbatzaren bisita jasoko du talde leioaztarrak. Honen ostean, maiatzak 17an Lumega Gasteizera abiatuko da bisita bueltatzeko. Honetaz gain, Lumegak Bios orkestrarekin egindako muntai sinfoniko-koral batean dabil lanean Ana Uriarteren zuzendaritzapean eta Naroa Intxausti sopranoarekin batera. Lan honen azken emaitza ikusgai izango da Basauriko San Miguel elizan maiatzaren 6an non W.A.Mozart-en erlijio musikaz osatutako egitaraua landuko duten. Argazkian, Leioako Kantika Koraleko 25 beteranok osatzen dute Lumega / Emejota.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun