Emakume Gazte Feministen oharra:
Datorren apirilaren 11n arratsaldeko 16:30ean Kukutza gaztetxean Euskal Herriko neska gazteen asanblada burutuko da. Neska eta gazte bezala zapalduak gara askotan konturatu ez edota zapalkuntza horri erantzuten ez diogun arren. Horregatik, jaikitzeko ordua da, kontzientzia hartzea eta egoera horri aurre egiteko antolatu eta borrokatzea ezinbestekoa dugu. Horretarako elkartuko gara ostiralean. eta dagoeneko hainbat tokietan nesken asanbladak antolatu dira jardunaldi feministen zein neska gazteen asanbladaren aurkezpenak eginez: Ibaetan, Leioan,Gasteizen, Zizurren...
Ostiralean burutuko den asanbladan parte hartzeko deia luzatu nahi diogu euskal herriko neska gazte guztiei. emakume gazteok jaiki eta lotu feminismora! bide berean, mugimendu feministak antolaturiko jardunaldi feministetan parte hartzeko deia egiten dugu, eta horretarako jardunaldifeministak.org helbidean izena eman behar dela oroitarazi nahi dugu.
Emakume Gazte Feministek antolatuta, gaur arratsaldeko 16:30ean Bilboko Errekalde auzoko Kukutza gaztetxean abiatuko den Euskal Herriko emakume gazteen asanbladan parte hartzera deitu du antolakuntzak, neska eta emakume gazte guztiak beren burua gonbidatua ikus dezaten eta bilkurara hurbiltzen anima daitezen. Bilkuraren aurkezpenean zehaztu zutenez, hitzordua ezinbestekoa jotzen dute, egungo gazte mugimenduko emakumeak "berdintasunaren garaian hezituak izan gara eta horren ondorioz askotan emakume gazteak feminismoarekin dugun atxikimendua oso txikia da" eta horretaz ", kontzientzia hartzea eta egoera horri aurre egiteko antolatu eta borrokatzea ezinbestekoa dugu. Horretarako elkartuko gara ostiralean". Era berean, larunbat eta igandean ospatuko diren Euskal Herriko IV. Jardunaldi Feministetarako ere deitu egin dute, "bertan mugimendu feministak bere egoera aztertu eta borrokaren norabideaz hausnartzeko aukera izango" baitu. Argazkian, Emakume Gazte Feministek martxoaren 15ean egindako aurkezpena / Gazte feministak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun