Lehenik, inguruaren gaineko eraginari buruzko txostena eskatzen duten zenbait arau legal urratzen zituela argudiatuta, aurkeztu zuen deuseztasuneko demanda Getxo Bizia ezker abertzaleko herri plataformak. Bigarrenik, proiektuak Getxoko Hirigintza Antolamendurako Plan Orokorra (HAPO) ere urratzen zuela adierazi zuten, "errepide bat egin nahi baitzen oinezkoen gune batean". Hirugarrenik, Kosta Legeari muzin egiten ziola iritzi zioten, "proiektuak aldez aurretiko jendaurreko informazioaren tramitea gainditu ez baitzuen". Horren harira, "herritarren eskakizunekiko mespretxuzko jarrera" izatea egotzi dio Udalari Getxoko ezker abertzaleak. "Epai honek argi uzten du. Proiektu hura eztabaidatzeko eta galdapenak aurkezteko aukerarik eman gabe burutu zen, nahiz eta herritarren eta talde ekologisten protestak eta kezkak handiak izan eta gune sentibera batean burutu", adierazi dutenez.
Erantzunkizunak
Bestalde, gaiaren mamiari dagokionez, "orain proiektu hori legezkoa zen ala ez ikusteke" dagoela ohartarazi du ezker abertzaleak, eurek "zalantza izpirik ez" dutela nabarmendu arren. "Lan horiek aurrera eramateko Getxoko Udala legeen gainetik igaro zen. Orain abiatzen den prozesaren buruan Getxo Biziak argudiatu zuen moduan proiektua legearen aurkakoa bada, Udalari dagozkion etantzukizunak bere egin, eta ondorio guztiei aurre egin beharko die", azaldu dutenez. Halaber, "oraingo hau Getxoko Udala epaitegietan galduak dituen ebazpenen zerrendako beste lerro bat baino ez" dela adierazi dute.
Algortako Ereaga hondartza eta Portu Zaharraren arteko ibilbideko herri lanen aurka, Getxo Biziak aurkeztutako administrazioarekiko auzi helegitea aintzat hartu eta proiektu horren legezkotasuna aztertzera behartu du Getxoko Udala Bilboko Administrazioarekiko 2. Epaitegiak. 2006ko abuztuan obra horien kontrako deuseztasuneko demanda ezarri zuen ezker abertzaleko herri plataformak, egitasmoak "hutsune legal nabarmenak" zituela argudiatuta. Tokiko erakundeak, baina, ez zuen eskabidea onartu, lehenik isiltasun administratiboa erabiliz, eta gero espreski errefusatuz. "Horretarako zera esan zuen, proiektuak prozedura egokiro bete zuela, eta bere legezkotasuna auzitan jar zezakeen elementurik ez zegoela", Getxoko ezker abertzaleak gogoratu duenez. "Orain, Udala deuseztasuneko demanda legearen arabera tramitatzera eta ondorioz proiektuaren legezkotasuna berrikustera behartuta dago. Horretarako, besteak beste, EAEko Aholku Batzorde Juridikoari eskatu beharko dio txostena", azaldu dute. Epaiaren (pdf) arabera, tokiko erakundeak ez zuen hori legearen arabera tramitatu, "auziaren mamia (proiektuaren legezkotasuna) saihestu, eta aurkeztutako argudioek izan zezaketen arrazoia erabat baztertu zituelako, haietara sartu gabe". Ereaga eta Portu Zaharra arteko singera eta harkaitz guneak -Galdaretxe tartean- kaltetuak izango zirelakoan egin zuen proiektuaren aurka Getxo Biziak. Argazkian, beharginak Galdaretxe inguruan lanean / Sotavento.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun