Ertzaintzak eta udaltzaingoek abiadura kontrolatzeko kanpaina berri bati ekin diote gaur
Ertzaintzak eta Araba, Bizkaia eta Gipuzkoako udal garrantzitsuenetako udaltzaingoek, tartean Bilbo, Donostia eta Gasteizkoek, abiadura kontrolatzeko kanpaina berezi bat hasi dute gaur, astelehena. Kanpaina hurrengo bi asteetan zehar egongo da martxan eta hilaren 27an, igandea, bukatuko da. Euskal Autonomia Erkidegoko errepideetan abiadura kontrolatzeko kanpainan gidariek euskal errepideetan daramaten abiadura kontrolatuko dute agenteek, radar mugikor eta finkoen bitartez. Kanpainaren planifikazioan aurreikusitakoaren arabera, Ertzaintzak abiadura kontrolak egingo ditu gauetan. Iaz Herrizaingo Sailak 56.395 salaketa izapidetu zituen hainbat gidarik legeak ezarritako abiadura mugak gainditu zituztelako. Dena den, Herrizaingo Sailaren estatistiken arabera, abiadura mugak errespetatzen dituzten ibilgailuen kopurua gero eta handiagoa da. 2007-2010 Euskadiko Bide Segurtasuneko Plan Estrategikoak islatzen duenez, muga gainditzen dutenen portzentaia %26tik (2003an) %15era (2007an) jaitsi da. Argazkian, Ertzaintzako errepide kontrol bat artxiboko irudi batean.
2007an, oraindik datu zehatza ezagutzen ez duten arren, ematen du aurreko urteko proportzioa mantenduko dela. Kanpaina horiek 2007-2010 Euskadiko Bide Segurtasuneko Plan Estrategikoaren baitan daude eta zirkulazioak sortzen dituen hainbat arazoren aurrean gidarien sentiberatasuna indartzea dute helburu. Arazo horien adibide bat gehiegizko abiadura da; Herrizaingo Sailaren arabera "hainbat polizia talde ari dira hori gainditzen ez dela ziurtatzeko lanean, bai egun hauetan, baita urte osoan zehar ere".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun