Leioako Udalak 233.000 euro bideratuko ditu garapenerako lankidetza egitasmoetarako
Garapenerako lankidetza egitasmoak aurrera daramatzaten eragileen artean 233.000 euro banatuko ditu aurten Leioako Udalak. "Laguntza hauek jasotzeko erakundeek hainbat baldintza bete behar dituzte, adibidez, egoitza soziala Bizkaian eta Leioan bazkideak izatea. Bestetik elkarteak eta erakundeak irabazi asmo gabekoak izan behar dira eta Hirugarren Munduko garapenerako lanak egin behar izango dituzte", tokiko iturriek zehaztu dutenez. Laguntza eskuratu nahi duten elkarteek apirilaren 20tik (igandea) maiatzaren 20ra bitartean edukiko dute izena emateko aukera. Halarer, kontutan izan beharko dute, beti bezala, hainbat diru partida ezberdin izango direla. "Hau honela partida indibidual bi daude nominatiboak direnak, hau da, dagoeneko esleituta daudenak Dominikar Errepublikan eta Saharan lan egiten duten talde birentzat, herrialde bi hauek Leioarekin baitaude anaituta", azaldu dute udal arduradunek. 62.000 eurokoa da diru laguntza bi horietako bakoitza. Beste partida bat gainontzeko herrietan lan egiten duten taldeentzat izango da, 103.000 eurokoa eta 6.000 euroko azken partida "sentsibilizazio eta kontzientziazio" egitasmoei emango zaie, "gure herrialdetik kanpo egiten den lanaren berri emateko eta jendea laguntza ematearen beharraz ohartarazteko. Argazkian, saharar umeak Leioan.
Diru laguntza eskuratu ahal izateko interesdunaek euren eskaerak bete beharko dituzte Udal Erregistro Orokorrean, aste barruan, 8:30etik 14:30era. Eskakizun honetan agertzen den moduan, hainbat baldintza bete behar dituzte elkateek: alde batetik, gutxienez urte bete lehenago legalki eratuta egon behar dira. Bestalde, garapen soziala eta ekonomikoa hobetze aldera, herrialde behartu horien aldeko lana egitea izango da erakundeen helburu bakarra. Hain zuzen ere, helburu horiek aurrera ateratzeko azpiegitura eta esperientzia nahikoa dutela egiaztatu beharko dute. Horretaz gain, joan den urtean laguntza horietariko bat jaso duten taldeek dirua zertan gastatu duten jakinarazi eta frogatu beharko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun