L.M.C.F. 35 urteko gizonezkoa atxilotu zuen Ertzaintzak, atzo gaueko 11etan, emakume bati sexu abusua egin eta poltsa lapurtu izana egotzita. Gertakariak atzo gaueko hamarrak aldera hasi ziren, Getxo udalerriko kale batean. Herrizaingo Sailak adierazi duenez, ordu horretan, kaletik zihoan emakume baten atzetik abiatu zen gizonezko bat eta, haren albora iritsita, ukitu lizunak egin zizkion. Biktimak bertatik ihes egitea lortu zuen, baina ihesi zihoala poltsa galdu zuen, eta erasotzaileak hartu omen zuen. Ertzaintzari horren berri eman ostean, zenbait patruila erasotzailearen bila abiatu ziren, eta gaueko hamaikak aldera, agenteek eraso horren ustezko egilearen antzeko ezaugarri fisikoak zituen gizonezko bat ikusi zuten gertakariak izan ziren tokitik oso gertu. Hori dela eta, atxilotu egin zuten LM.C.F., 35 urtekoa, sexu abusua eta poltsa baten lapurreta egotzita.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun