Bihar, igandea, 11:15etik aurrera, Astrabudua, Erandio Landa, Altzaga, Plentzia, Urduliz, Algorta eta Leioako Gaztetxo aisialdi taldeek Gaztetxo Egunaz gozatuko dute Balmasedako herrian, beste 13 Gaztetxo taldeekin batera. Bizkaiko Gaztetxoen koordinakundeak antolatuta, orain dela 30 urte sorturiko gazte aisialdi talde hauen urteko egun nagusia da Gaztetxo Eguna, 6 eta 14 urte bitarteko ehunaka ume batzen dituen eguna. Koordinadorak zabaldu duenez, urtean zehar eta are gehiago egun berezi honetan euskara eta euskal kultura sustatu nahi dituzte txikienen artean eta baita elkartasuna, tolerantzia eta adiskidetasuna bezalako baloreetan hezitu. Balmasedako San Severino plazan garatuko den jai-egunean zehar, haur eta gazteek, beste hainbat lagunekin batera, hezigarriak diren jolas-jarduera ezberdinetan parte hartzeko aukera izango dute. Argazkian, 2008ko Gaztetxo Eguna aurkezteko emandako prentsaurrekoa.
Aipatutako udalerrira joateko hainbat garraiobide ezberdin erabil daiteke. Antolakuntzak garraio publikoak hobesten ditu, esate baterako trena (FEVE) eta autobusa (Bizkaibus). Dena den, autoz ere hel daiteke, Kadaguako Korridorearen errepidea hartuta. Jaialdia goizeko 11:15etan hasi eta arratsaldeko 18:45etan amaituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun