Animaziozko filmei buruzko hitzaldia EHUk Animabasauri Jaialdiarekin duen elkarlanaren emaitza da. Solasaldiaz gain, astean zehar, zinemaldian hilaren 25era arte lehian izango diren film laburrak proiektatuko dira Arte Ederren Fakultateko eta Gizarte eta Komunikazio Zientzien Fakultateko atarteetan kokatutako pantailetan. Azkenik, ostegunean, hilak 24, 12:00etan, campuseko areto nagusian film labur horien aukeraketa bat ikusi ahal izango da.
Astearte honetan, apirilak 22, animaziozko filmei buruzko hitzaldia emango du, Leioa eta Erandioko campusean, Mohamed Ghazala Egiptoko Miniako Unibertsitateko irakasleak, EHUko iturriek jakinarazi dutenez. Animaziozko filmak sortzeko beharrezko diren formazio eta baliabideez hornitzeko asmoz, Unescok sortutako Africa Animated proiektuaren barne dagoen African Panorama programaren arduraduna da Ghazala. Hain zuzen ere, azken izen hori hartuta, Hegoafrikako Interface Festival eta Kenyako Africa Animated proiektuko hainbat lan eta egiptoar film laburren sorta egongo da ikusgai Animabasauri Jaialdian. Ghazala bera da programaren arduraduna. Hartara, hitzaldia 11:00etan izango da, Arte Ederren Fakultateko gradu aretoan. Bestalde, bihar ere "La Television Digital Terrestre local" izenburuko hitzaldia eskainiko du Iker Garcia de Eulate Eusko Jaurlaritzako aholkulari teknikoak, goizeko 10etan, Eraikin Erreformatuaren A4 gelan. Argazkian, Arte Ederren Fakultatea barrutik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun