Kanpainan Getxoko supermerkatuek ere parte hartzea oso garrantzitsutzat jo du Eigurenek. Horrela, Udalak udalerrian denda kopuru gehien duten kateei parte hartzeko eskatu die, kanpainaren irudia bi aldeetan dituzten poltsak banatuz, hau da, kobratze-kutxetako langileek bezeroei erositako gauzak aipatutako poltsetan emanez. “Horrela heldu nahi dugun publikoarengana joko dugu, alde batetik kanpainari buruzko informazioa banatzen eta bestetik, ontziak sartu eta edukiontzietara botatzeko poltsak erabiltzeko eskaintzen” azaldu du Keltse Eigurenek. 100.000 poltsa atera dira 29 supermerkatuen artean proportzionalki banatzeko.
Ercoreca enpresak kanpainarekin elkarlanean hartzeko konpromisoa hartu du, kanpainako beste 100.000 poltsak inprimatu eta ordaindu ditu. Poltsa horiek kate horrek Getxon dituen bost supermerkatuetan banatuko dituzte.
Sariak
Edukiontziaren forma duen esku-orri baten 32.000 ale banatu dira etxeetan eta horretan koloreen bidez edukiontzi horien eta urdinen funtzioak azaldu dituzte. Era berean, kanpainaren eta sariaren baldintzen gaineko 300 txartel ere paratu dira dendetan, merkataritzagune handietan eta edukiontzietan ipintzeko.
Zozketaz, udalerrian dauden edukiontzien artean hori eta urdin bana hautatuko dira eta egun zehatz batean sari, edukiontzi horiek era zuzenean erabiltzen duten lehenego herritarrei argazki kamara bana emango diete, lau guztira. Lehiaketa eta horren arauak Getxoberrin, udal webgunean eta Getxo Irratian iragarriko dituzte eta baita dendetan eta merkataritzaguneetan jarritako txarteletan ere.
Getxoko Udaleko Ingurumen Sailak birziklatzeko beharraren eta egokitasunaren gaineko sentiberatze kanpaina jarri du martxan gaur goizean. “Birziklatuz….irabazi” lelopean, ontzien, paperaren eta kartoiaren birziklatzea areagotu nahi dute. Keltse Eiguren Ingurumen zinegotziaren arabera, “birziklapena gero eta gehiagotan positibotzat jotzen bada ere", 243 edukiontzi horiak eta 200 urdinak eta bakoitzaren funtzioak "desberdintzeko nahasteak egoten dira oraindik". Horregatik kanpainak "sentsibilizatzeaz gain, herritarrek edukiontzi bakoitzean utzi behar dutenari buruzko informazio zabalagoa eskaintzea ere izango du helburu, arazo horiek konpondu ahal izateko”. Era berean, “Birziklatuz…irabazi” leloaren bidez birziklatzeak guztiontzat suposatzen dituen etekina eta onura azpimarratu nahi dituzte. Alde batetik, jarrera solidario eta hiritarretik hiri eta planeta garbiagoak sortzeko, eta bestetik, birziklatzen duten pertsona batzuei saria emango baitiete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun