Gasteizko Euskal Unibertso jaialdian, urtero legez, hitzaldia, tailerrak, mahai-inguruak eta eztabaida izango dira irakasle, ikasle eta herritarrentzat, bertako campuseko ikasgaiak zein Euskal Herriko bestelako unibertsitate zentroenak ere kontuan hartuz. Aurten, EHBEk azpimarratu duenez, "garrantzi hirukoitza hartzen du ekimen honek". Euskal Eskola defendatzen duen kolektiboarentzat "Euskal Unibertsitatea badugulako" eman du jauzia aurtengo edizioak: "gu Euskal Unibertsitate horretara bagoaz, eta hori islatu nahi izan dugu ekimen honetan ere. Euskal Unibertsitatearen bidean emandako urratsen eta egun norabide horretan aurrera egiteko bizi dugun momentu historiko eta garrantzitsuaren aurrean, dinamika sozial berrindartuaz ekin behar diogu Euskal Unibertsoari. Dinamika soziala indartu, indarrak bildu eta herrira zabaldu Euskal Unibertsitatearen aldeko aldarria". Bestalde, Euskal Unibertsitatea eraikitzean hezkuntza sistema nazional osoaren aldeko borroka eta bere beharra adieraztea uztartu egin beharko direla gogoratu du EHBEk.
Euskal Unibertsoaren egitaraua:
Egitarau komuna:
- 9:30ean, txupina.
- 10:00etan, lehenengo saioa guneetan.
- 11:30ean, atsedena.
- 12:00etan, bigarren saioa guneetan.
- 13:30ean, Euskal Unibertsitatearen aldeko ekitaldia campusean.
- 14:00etan, bazkaria (bakoitzak berea)
- 16:00etan, hirugarren saioa guneetan.
- 18:00etan, “Herriz herri, egunez egun, urratsez urrats… Euskal Unibertsitatea!” lelopean, manifestazioa campusetik.
- 19:00etan, ekitaldia Aihotz plazan eta jarraian kalejira-poteoa Alde Zaharretik
Guneak
Herri ondarea (Filologia, Historia eta Geografia Fakultatean)
- 10:00-11:30, “Euskara Euskal Unibertsoan”, Koldo Zuazoren eskutik.
- 12:00-13:30, “Kritika feminista eta euskal nobelagintza” Iratxe Retolazaren eskutik.
- 16:00-17:30, ibilbide historikoa Gasteiztik zehar: Unai Gartziaren eskutik.
Hezkuntza (Irakasle Eskolan)
- 10:00-11:30, “Auzolanean Hezkuntza Sistema Nazionala eraikitzen” Hitzaldi, erakusketa eta tailerra. Aiora Filarmendi eta Ibai Redondo Euskal Herriak Bere Eskolako kideen eskutik.
- 12:00-13:30, “Hezkidetza gidaren lanketa praktikoa” Aitziber Martinez, Bilgune Feministako kidearen eskutik.
- 16:00-17:30, “Soin Heziketaren garrantzia hezkuntzan” mahai-ingurua.
Osasuna eta ingurumena (Farmazia fakultatean)
- 10:00-11:30, “Bizi ohiturak: elikadura, gaixotasuna, sexu harremanak” mahai-ingurua medikuntzako ikasleen eskutik.
- 12:00-13:30, “Campusak biluztu” film laburren lehiaketaren proiekzioa.
- 16:00-17:30, “Campusak biluztu” film laburren lehiaketaren proiekzioa eta irabazlearen iragarpena.
Jendarte eraldaketa (Gizarte Langintza Eskolan)
- 10:00-11:30, “Botere politikoa eta estatua” Julen Zabaloren eskutik.
- 12:00-13:30, “Emakumearen rol berriak” Juanan Barrenetxearen eskutik.
- 16:00-17:30, “Lana eta prekarietatea” Gorka Morenoren eskutik.
Zientzia eta herri garapena (Ingeniaritza Eskolan)
- 10:00-11:30, “Wall Mapu herria XXI. mendean” Wall Mapu herriko ordezkariaren (maputxeak) eskutik.
- 12:00-13:30, “Wikipedia: jakintza librea auzolanean” tailerra. Galder Gonzalez eta Gaztelumendi blogarien eskutik.
16:00-17:30, “AHT eta topografia” mahai-ingurua.
Kirola (Jarduera Fisikoaren eta Kirolaren Zientzien Fakultatean)
- 10:00-11:30, “Herritartasuna eta kirola” Egoitz Askasibar, Esaiteko kidearen eskutik.
- 11:30-12:00, txirrindula martxa campuseraino.
- 12:00-13:30, herri kirol partehartzaileak (campusean).
- 16:00-17:30, “Soin Heziketaren garrantzia hezkuntzan” mahai-ingurua (Irakasle Eskolan).
Leioa eta Erandioko campuseko Euskal Herriak Bere Eskola taldeak autobusa prestatu du etzi, osteguna, Euskal Unibertsitatea aldarrikatzeko eta eraikitzeko asmoz Gasteizen antolatuko den IV. Euskal Unibertso eskola-jaialdira joan ahal izateko. Era horretan, pasa den astean campusean burututako euskal Unibertso Txikiari segida emango diote. EHBEko taldeak jakinarazi duenez, campus horretako ikasleek ez ezik Bilboko zentroetakoek ere izango dute aukera autobusa hartzeko, horretarako honako posta elektronikoan aurretik izena emanez gero: uni-leioa[abildua]euskaleskola.org. Autobusa 7:45etik abiatuko da Bilboko Termibus geltokitik eta Gasteizetik 20:45ean bueltatuko da. EHBEtik gogoratu duenez, Euskal Unibertsoren aurtengo hitzordua, ordea, aldarrikapenetik haratago doa, UEUren 35 urteko lanaren ondoren eta egindako lanaren ondorioz, baitira "hilabete batzuk Euskal Unibertsitatearen Sustapen Taldeak euskal unibertsitatea bideragarria izan dadin eman beharreko pausuak diseinatzen ari dela". Bestalde, egungo unibertsitateen egoera larru gorritzeko asmoz abiatutako "Campusak biluztu" film laburren lehiaketarako lanak bidaltzeko gaur da azken eguna, lan guztiak etzi Gasteizen ikusi ahal izango direla. Argazkian, Euskal Unibertsoaren aurkezpena / EHBE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun