Hurrengo bi asteartetarako hitzaldia eta film laburren emanaldia antolatu ditu Berbotsek

Apirilaren 29an, asteartearekin, Gema Arrugaeta argazkilariak osatutako “Auñamendien hatsa” diaporama egongo da ikusgai, Astrabuduako Josu Murueta kultur etxean, Berbots! Erandion Euskaraz elkartearen eskutik. Besteak beste, euskal Pirinioak hobeto ezagutzeko aukera emango dute 20:00etatik aurrera. Maiatzaren 6rako, berriz, film laburren emanaldia prestatua du Berbotsek. Hauek izango dira eskainiko dituzten pelikulak: "Columba Palumbusi" (Koldo Almandoz), "Unrest eta All about eyes" (Gentzane Agirre), "Azken trena" (Mikel Alvarez), "Momorro" (Asier Mendoza), "Itzalak" (Iñigo Kintana), "Ardauaren negarra" (Logela Multimedia) eta Topaguneko ikus entzunezkoen rallyko lanak. Saio hori ere Josu Muruetan izango da, 20:00etan. Argazkian, bi lagun dantzan Berbotsek apirilaren 6an ospatu zuen Karpomartxo jaian.