Ertzaintzak M.J. 31 urteko gizonezko getxoztarra atxilotu zuen atzo, bere emazteari mehatxuak egin, kolpatu eta labanaz eraso egin ziolakoan. Izan ere, atzo bertan emakume batek senarrak bere aurka egindako tratu txarrak salatu zituen Polizia autonomikoaren aurrean, Herrizaingo Sailak zabaldu duenez. Erasoa Getxo udalerrian dagoen bikotearen etxean gertatu zen pasa den astelehenean, arratsaldeko 6ak aldera. Eztabaida baten ondoren, senarrak hil mehatxuak egin zizkion andreari. Horren ostean, hainbat ukabilkada eman zizkion gorputz puntu ezberdinetan, geroago lurrera botatzeko. Gainera, emakumeak emandako lekukotasunaren arabera, M.J.k sukalde-aizto bat hartu eta horrekin ziztatu egin zuen aldakatik gertu. Atzo, biktima osasun etxe batera joan zen jasotako lesioengatik arta zezaten eta ondoren salatu zuen erasoa. Ordu batzuk geroago Ertzaintzak M.J. atxilotu zuen genero indarkeria delitua egotzita. Gizonezkoa gaur pasatuko dute epailearen aurretik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun