"Getxo udalerrian filmaketak eduki zuen harrera onagatik”, “Un poco de chocolate” filmaren ostiraleko aurre-estreinaldiak “Portu Zaharreko auzokideentzako eta orokorrean getxoztar guztientzako omenaldia" izan nahi duela adierazi du goizean Imanol Landa alkateak. Udal agintaria oso pozik agertu da, hain zuzen ere gaur, Liburuaren Nazioarteko Eguna ospatzen den honetan, Portu Zaharrean girotutako pelikula aurkeztu ahal izateagatik, udalerriko ospe handienetako idazle batek lagunduta gainera, “SPrako Tranbia” nobelarekin 2002an Narratiba Saria lortu izanak erakusten duen bezala. Landak gogoratu du Aramaioren pelikulak hasieratik Udalaren laguntza izan duela, "bai diruz, bai filmaketa errazten". “Istorio polita eta positiboa den pelikulak hasieratik interes handia izan du udalerrirako, neurri handi batean nobela eta Getxo artean dagoen paralelismoa agerian uzten duelako; alde batetik, bere ohiturak eta tokiak zaintzen dituen eta, bestetik, itsasoari eta munduari zabalik dagoen herria erakusten duelako”, azaldu du alkateak.
Ospe handiko aktoreak
Besteak beste, honako aktore hauek parte hartu dute pelikulan: Hector Alterio, Barbara Goenaga, Daniel Bruhl, Julieta Serrano, Ramon Barea, Gorka Otxoa, Marian Aguilera eta Mikel Albisu algortarra. Azken hori ere oso pozik agertu da, “ospe handiko aktorerekin batera, oso gustoko dudan nobela batean oinarritutako eta Algortan girotutako pelikula batean parte hartu ahal izateagatik”. Ostiraleko ekitaldian, Unai Elorriaga idazlea, Aitzol Aramaio zuzendaria eta aktore batzuk izango dira. Sarrera gonbidapenaren bidez izango da.
"Un poco de chocolate" filma aurkeztuko dute ostiralean Algortan
2008ko api. 23a, 22:36
Madrilen apirilaren 29an estreinatu eta zinema aretoetara hurrengo egunean helduko den arren, ostiral honetan, hilak 25, aurkeztuko dute Algortako Getxo Antzokian Unai Elorriaga idazle algortarraren “SPrako tranbia” nobelan oinarritutako “Un poco de chocolate” filma. Hain zuzen ere, udako hilabeteetan filmaketa leku izan zen Portu Zaharrean eman dute, gaur goizean, Aitzol Aramaio ondarrutarrak zuzendutako pelikularen aurre-estreinaldiaren berri Imanol Landa alkate getxoztarrak, lan horretan Tomas antzezten duen Mikel Albizu aktore algortarrak eta Elorriagak berak. Etxetxu plazan egindako agerraldian, filmarekin oso pozik azaldu da idazlea; baita "pelikula bitxia" dela adierazi ere. "Hori pozgarria da niretzat. Zaila da jakitea zein harrera edukiko duen zinema aretoetan, baina ni Hector Alteriok egiten duen pertsonaiaren bizipenak ikusten jarraitzeko gogorekin geratu naiz”, azaldu duenez. Elorriagak gaineratu du Algortan izango den aurre-estreinaldiarekin Aramaioren bi nahietako bat beteko dela, lehenengo emanaldietako bat berton izatea nahi zuelako zuzendariak. “Un poco de chocolate” euskaraz eskaintzea da bestea. Idazleak adierazi du Portu Zaharrak interes eta ikusmin handia piztu zituela Malagan duela gutxi egindako aurkezpenean. Argazkian, Albizu, Landa eta Elorriaga, goizean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun