Larunbat honetan, Leioako Udalak, Solasgune taldearekin batera, Zilborrestea sarearen barruan kokatuta dagoen "eskola bide seguruaren" proiektuaren aurkezpena egingo du Sakoneta udal polikiroldegian, goizeko 10:30etik aurrera. "Eskola bide seguru" hau, Udaleko Hezkuntza sailetik bultzatutakoa, helburu nagusi bat du, herriko txikienak etxetik euren ikastetxeetara duten bidea laguntza barik eta modu seguru batean egiteko aukera ematea. Horretarako, herriko merkatariek hartu duten konpromisoei esker, denda bakoitzak pegatina bat izango du kanpoaldean, honekin umeak jakin izango du ezer gertatuz gero –gaixotu, galdu, eta abar– denda horretan laguntza eskatzerik baduela. Dendariak berriz, umea jasotzean udaltzainei deituko die umearen gurasoei ohartarazteko. Ekintza hau aurrera ateratzeko, "merkatarien laguntza ezinbestekoa izan dela", adierazi dute antolatzaileek. Aurkezpenaz gain, umeen protagonismoa kontuan izanik, larunbatean eurentzako jolasak ere antolatuko dira Sakonetan bertan. Argazkia: Totana.com
Bestalde, proiektuak lan asko egin du atzetik. Aurreko hilabeteetan Udalak eta Solasgunek herriko merkatariekin aritu dira lanean, azken hauek konpromiso batzuk hartu zituzten, eta horiek guztioiek bateratu ondoren aurkezpenaren txanda etorri da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun