Beraz, Barrika Europako Karta hori sinatu duten ia 600 udal europarrei gehitu zaie, horietatik 26 Euskal Herrikoak. Sinadura honekin abian jarriko dira udal esparruko hainbat ekintza. Erabakiak hartzerakoan gizonen eta emakumeen artean berdintasunezko ordezkaritza eta partaidetza bultzatzen dute irizpideok, indarrean dauden berdintasun legeak zehatz betetzen direla bermatuz eta ahalegina eginez, emakumeek ardurako postuak lortu eta postu horietako oztopo objektibo eta subjektiboak kentzeko.
Halaber, Barrikako Udalak toki esparruan berdintasun politikak sendotuko dituzten neurriak bultzatzeko konpromisoa hartu du bai eta Udal esparruan genero politiken zeharkakotasuna areagotzeko bidean aurrera egitea ere, Emakume eta Gizonen arteko Berdintasunerako Europako Kartaren, Emakumezko eta Gizonezkoen arteko Berdintasunerako Euskal Legearen eta esku-hartze programa eta ekintzetan eredugarriak diren beste baliabide batzuen helburu nagusiak lortu ahal izateko.
Bestalde, Eudelen adierazpen instituzionalean funtsezkotzat hartu da emakumeen eskari eta beharrizanak hobeto ordezkatzeko politikak sortzea, elkarteen mugimendutik, Berdintasun Kontseiluetatik edo beste erakunde batzuetatik dagokien protagonismo guztia emanez.
Parekidetasunerako Europako Kartarekin bat egin du Barrikako Udalak
2008ko api. 25a, 00:03
Barrikako Udalaren osoko bilkurak aho batez onartu zuen, aparteko bilkuran, "Tokian Tokiko Bizitzan Emakume eta Gizonen arteko Berdintasunari buruzko Europako Karta". Karta hori Araba, Bizkaia eta Gipuzkoako udalerrien elkartea den Eudelek Emakumeen Nazioarteko Eguneko Adierazpen Instituzionalean hartu zuen hizpide. “Udal bizitzan gizonen eta emakumeen berdintasun arauak ezartzeko konpromiso ofiziala har dezaten tokiko eta herrialdeetako gobernuak animatzea" du helburu 2006an egindako Berdintasunerako Europako Kartan. Era berean, "beren eskumen eta zerbitzuen barruan berdintasuna bultzatzeko, bizitzako esparru guztietan genero berdintasuna sustatzeko eta, era berean, genero estereotipoei aurre egiteko eta genero diskriminazioaren kontra borrokatzeko ekintza planak prestatu eta aplikatu ditzaten" eskatzen die aipatu erankundeei. Argazkian, Juan Jose Ezpeleta Barrikako alkatea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun