Era berean, Fredi Payak Sopelako Ander Deuna ikastolan abestuko du 22:00etan abestuko du Arkaitz Estiballesekin amnistiaren aldeko bertso afarian. Bihar, berriz, Paya Ruiz anai-arrebek batera abestuko dute 14:30ean Bilboko Zazpi Kaleetako Errondabide kultur elkartean.
Ipar Uribeko Bertsolari Txapelketaren azken kanporaketa, ordea, Fikako herriko txokoan egingo dute maiatzaren 9an, beste bertso afari bat tartean. Bertan, azken sei bertsolariek jardungo dute: Taketeko Miren Ibarluzea eta Mikel Goiriena, ALBEko Ekaitz Larrazabal "Katxo", Josu Landeta eta Pello Etxebarria "Bonbero" eta Itzubaltzetako Peio Ruiz de Agirre.
Finala, ordez, maiatzaren 17an ospatuko da Areetako Andres Isasi musika eskolan 18:00etan. Eta bertakoek Bizkaiko txapelketarako sei txartel eskuratuko dituzte. Orain arte, Etxahun Lekue larrabetzuarra eta hiru Paya Ruiztarrak –Fredi, Xabi eta Itxaso– izan dira Ipar Uribeko txapelaren jabe, eta Itxasori egokituko zaio 2006an jasotako txapela defendatzea.
Orain arteko sailkapena:
- Olatz Ibarluzea, 252 puntu.
- Arrate Illaro, 251 puntu.
- Miren Loizaga, 246,5 puntu.
- Oier Iturralde "Atano", 198,5 puntu.
- Unai Angulo, 185,5 puntu.
- Gabi Basañez, 173 puntu.
Iluntzean jokatuko da Larrabetzun Ipar Uribeko Bertsolari Txapelketaren bigarren kanporaketa
2008ko api. 25a, 20:18
Uribe Kosta, Mungialdea, Uribe Butroe eta Txorierriko bertsolarien lehiaketa nagusia den Ipar Uribeko VII. Bertsolari Txapelketako bigarren kanporaketa jokatuko da gaur iluntzeko 20:30ean Larrabetzuko Hori Bai gaztetxean, bertso afarian. Gaurkoa izango da saiorik jendetsuena, gutxienez parte-hartzaileei dagokienez, bertan zortzi bertsolari izango baitira: ALBE eskolako Itxaso Paya egungo txapelduna (argazkian), Peru Vidal, Beñat Vidal, Jone Uria, Unai Larrazabal eta Maialen Berekoetxe zein Larrabetzuko Alberto De Abajo "Zoro" eta Ekain landa "Txispain". Sopelan gertatu bezala, haietako inor ez da zuzenean sailkatuko, aurten saioetako irabazleentzat ate hori itxi baitu antolakuntzak. Hortaz guztiak Fikako hirugarren kanporaketan zer egingo dutenaren zain egon beharko dira, bakoitzak eskuratutako puntuek emango baitiete, ematekotan, eskubidea Areetako finalera joateko. Itxaso Paya faboritoak UKBERRI.NETi adierazi zionez, "Larrabetzuko herria asko gustatzen zait dagoen giroagatik" eta Hori Baiko plazak "motibatzen nau".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun