![](http://farm1.static.flickr.com/15/21622541_483dba61fc_m.jpg)
Getxo udalerriko
Bizarra Lepoan euskara elkarteak 9 eta 16 urte bitarteko gazte euskaldunentzako egun osoko urpekaritza ikastaroa antolatu du maiatzaren 24ra begira. Egun horretan, goizean, eta olatuen arabera aukeratutako orduan eta tokian, "Uribe Kostako itsasbazterrean kayak hartu eta itsasoan murgilduko gara bertako bizitza ezagutzera", Goizane Miruri Bizarra Lepoaneko dinamizatzaileak azaldu duenez. Izen-ematea asteazken honetan, hilak 30, bukatuko da. Inskripzioa burutzeko hainbat paper eraman beharko dituzte gazteek edo umeen gurasoek: izen-emate orria beteta, Osakidetza txartelaren fotokopia eta diru sarreraren ziurtagiria, 25 eurokoa euskara elkarteko bazkideen kasuan eta 35 eurokoa bestelakoetan. Paper guztiak emateko Algortako Karitate kaleko 1. atarian dagoen Aldai Patronatura jo beharko dute. Bertan, sotoan dagoen 10. bulegoan dena utzi ahal izango dute egun eta ordu hauetan: gaur eta asteazkenean 10:00ak eta 13:30ak bitartean eta bihar, asteartea, 16:30ak eta 19:00ak bitartean. Edozein zalantza argitzeko, 944 914 357 telefonora deitu edo
bizarralepoan[abildua]euskalnet.net posta elektronikora idatzi daiteke. Argazkia:
Agvnono.