Aldarripaken mezua:
Ohar honen bidez gure gain hartzen dugu larunbatean, hilak 26, Itzubaltzeta / Romoko "Alfa Gestion Inmobiliaria" higiezinaren aurka buruturiko ekimena. Haien jarduera salatzeko erakusleihoa harrikatu genuen, eta aldameneko zutabean "Zuekin etorkizunik ez!" lema idatzi genuen.
Ekimen honen bidez higiezinek gazteon egoera zehatz honen gainean duten erantzukizuna salatu dugu. Higiezinek, etxebizitzen eta alokairuen prezioekin espekulatuz, gazteok etxebizitza gabe bizitzera kondenatzen gaituzte, banketxe edo aurrezki kutxetara jotzera behartuz. Era berean, azken hauek gure egoeraz baliatu eta hamarkada luzeetako hipoteketan itotzera behartu nahi gaituzte. Nola ez, hau ezinezkoa litzateke instituzio eta alderdi politiko diruzaleen laguntzarik eta promoziorik gabe: Eusko Jaurlaritza, Getxoko Udala, PNV, EA, Ezker Batua...
Gauzak horrela, etxebizitza duina eskubidea den heinean, berau egi bihurtzeko borrokan aurrerapausu nabarmena egiteko hautua hartua dago. Oraingoan higiezinen aurka jo badugu ere, aurrerantzean ezin da inola baztertu gainontzeko erantzuleen aurka antzeko moldeekin haien erantzukizuna agerian uztea.
Banketxeak, aurrezki kutxak, promotoreak, higiezinak, Eusko Jaurlaritza eta Getxoko Udala, PNV, EA, EB... zuekin etorkizunik ez! Etorkizuna, independentzia!
Higiezin agentzia bat harrikatu dute Itzubaltzeta / Romon
2008ko api. 28a, 16:21
Hainbat ezezagunek Itzubaltzeta / Romoko Gobelaurre kaleko 33. zenbakian dagoen Alfa Inmobiliaria higiezin agentzia eraso egin zuten pasa den larunbatean, hilak 26. Horrela aldarrikatu du izena eman ez duen gazte talde batek komunikabideetara bidalitako ohar baten bidez. Egileek zehaztu dutenez, aholkularitza eta aseguruak ere egiten dituen aipatu enpresaren erakusleihoa harrikatu eta beira puskatu ondoren "zuekin etorkizunik ez!" leloa idatzi zuten ondoan. Izan ere, eraso horren bidez, "higiezinek gazteon egoera zehatz honen gainean duten erantzukizuna salatu dugu. Higiezinek, etxebizitzen eta alokairuen prezioekin espekulatuz, gazteok etxebizitza gabe bizitzera kondenatzen gaituzte, banketxe edo aurrezki kutxetara jotzera behartuz. Era berean, azken hauek gure egoeraz baliatu eta hamarkada luzeetako hipoteketan itotzera behartu nahi gaituzte. Nola ez, hau ezinezkoa litzateke instituzio eta alderdi politiko diruzaleen laguntzarik eta promoziorik gabe: Eusko Jaurlaritza, Getxoko Udala, PNV, EA, Ezker Batua...". Erasotzaileek aurreratu dute ez dutela baztertuko higiezin agentziarekin egin bezala, "gainontzeko erantzuleen aurka antzeko moldeekin haien erantzukizuna agerian uztea". Argazki gehiago ikusteko, sakatu hemen.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun