Laster martxan izango den proiektu horrek hiru fase ditu. Lehena prebentzio ikerketa izango da, non adituek etxe bakoitzera bisitak egingo dituzten eta etxearen krokisa eratuko dute arrisku puntuak detektatzeko, adibidez, galdarak, aireberritzeko sarea edota elektrizitate instalazioa. Horretaz gain, etxeko bizilagunei seguritatearen gaineko oinarrizko nozioak emango dizkiete larrialdi kasuetan zer egin behar duten jakiteko.
Bigarrenik ke detektagailuak ezarriko dituzte etxeetan, hauekin karbono monoxidoaren ihesa dagoenean soinu eta argi alarma piztuko da, inguruko bizilagunek eta etxekoak konturatu daitezen. Hirugarrenik, alarma hau zuzenean Leioako Udaltzainekin konektatuta egongo denez, horren berri izan dezaten, eta arrisku egoera batean ekiteko etxearen krokisak izango dituzte eskura udaltzainek.
Proiektu berri horrekin, Leioako Udalaren Gizartekintza Sailak ezusteko suteak saihestu nahi ditu hirugarren adineko pertsonen eta gaitasun fisiko gutxituak dutenen etxeetan. Horiek izaten baitira suteetan sortzen diren hildako gehienak.
SOS Deiak
SOS Deiak zerbitzuak emandako azken datuen arabera etxeetan ematen diren 10 istripuetatik 8 suteak izaten dira, eta kasu hauetan pertsona nagusiek eta gaitasun fisiko gutxituak dituztenak izaten dira biktima errazenak. Datu horien arabera, urtero 2.000 etxe inguru jasaten dute horrelako ezbehar bat Bizkaian, horietatik, erdia baino gehiagotan, kalteduna 61 urtetik gorakoa da.
Etxeko asistentzia jasotzen duten 80 leioaztarrek suteen aurkako sistema izango dute laster
Leioako Udalaren Gizartekintza Sailak plan berri bat jarriko du martxan Gizarte Zerbitzuen etxeko asistentziaren erabiltzaileen etxeetan suteak ekiditeko. Ekintza hau, guztiz doakoa izango da eta herritarrentzat, hirugarren adineko pertsonentzat eta gaitasun fisikoak gutxituak dituztenentzat dago zuzenduta, batez ere. Proiektu hau oso berria da eta Bizkaia mailan, Leioa sistema hau ezartzen duen hirugarren udalerria bilakatuko da, Santurtzi eta Lekeitioren ondoren. Helburu nagusia asistentzia behar duten pertsonen emantzipazioa luzatzea da, honela pertsona nagusiek euren inguruan denbora luzeagoan bizitzeko aukera izango dute baina arriskurik izan gabe, ez beraientzat ezta inguruko auzokideentzat ere. Gizartekintza Sailetik jakinarazi dutenez oraindik sua ekiditeko alarma hauek etxe asistentziaren 80 erabiltzaileentzat baino ez dira izango, baina urte pare bat igaro ondoren Leioako biztanleriaren sektore hau guztiz asetzearen aldeko esfortzuak egingo dute. Argazkian, Isabel Garcia Gizarte Zerbitzuetarako EBko zinegotzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun