Ordu betez euskaraz egindako hamar istorio labur proiektatuko dituzte bihar Astrabuduan

Berbots! Erandion Euskaraz elkartearen eskutik, film laburren emanaldia izango da astearte honetan, maiatzak 6, 20:00etatik aurrera, Astrabuduako Josu Murueta kultur etxean. Apirilaren 3an, Topagunea Euskara Elkarteen Federazioak abian jarritako Film Laburren V. Zirkuituarekin bat eginez, "euskaldunek egindako zinea euskal ikus-entzuleen esku, begi, belarri, bihotz…" jarri nahi du Berbotsek. Hauek izango dira eskainiko dituzten pelikulak: "Columba Palumbusi" (Koldo Almandoz), "Unrest" eta "All about eyes" (Gentzane Agirre), "Azken trena" (Mikel Alvarez), "Momorro" (Asier Mendoza), "Itzalak" (Iñigo Kintana), "Ardauaren negarra" (Logela Multimedia) eta Topaguneko ikus entzunezkoen rallyko lanak. Saio hori ere Josu Muruetan izango da, 20:00etan. Argazkian, bi lagun dantzan Berbotsek apirilaren 6an ospatu zuen Karpomartxo jaian. Hain zuzen ere, horren gaineko irudiak jarri ditu sarean Berbotsek.