Sopelako Munarrikolanda Mendi Taldeak irteera berria antolatu du maiatzaren 11rako, igandearekin. Oraingoan, Urbion mendilerrotik ibiliko dira eta izen bereko 2.229 metroko mendira igoera egingo du, Soria eta Errioxa (Espainia) probintzien artean kokatuta. Covaleda herrian hasiko da txangoa, Sorian. Pinudien artean egingo dute igoera azken haitzartera arte. Jaitsiera errioxar isurialdetik izango da, Urbion ibaiko haranatik Viniegra de Abajoraino. Zeharkaldia egiteko zazpi ordu eta erdi beharko dira, gutxi gora behera, Munarrikolandako kideen arabera. Gauzak horrela, 7:00etan abiatuko da autobusa Sopelako San Pedro elizaren ondoan dagoen autobus geltokitik. Argazkian, bi mendigoizale Urbion inguruetan.
Algortatik 7:10ean igaroko da autobusa, Getxo I institutu ondoan dagoen geltokitik. 12 eurokoa izango da txangoaren prezioa bazkideentzat eta 14 eurokoa bazkide ez direnentzat. Interesatuta daudenek xehetasun eta baldintza guztiak 696 731 662 telefono zenbakira deituz galde ditzakete, ostegunean, 20:00etatik 21:30era arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun