Gainontzeko finalista guztiek gaur eta bihar batuko dira Aldapa auditorioan azken erabakia ezagutzeko zuzeneko finaletan. Gaur, metal talderik onena izendatuko dute, eta horretaz gain hiru talde ezberdinen kontzertua entzuteko aukera izango da, Durangoko Alerta, Legazpiko Elbereth eta Valentziako Piel de Serpiente hain zuzen. Gainera, Euskara saria jaso duen Niketz taldeak ere joko du. Bihar, berriz, pop-rock modalitatearen txanda izango da toki eta leku berean. Kontzertuan Baezako Automatas, Granadako Harry Up! eta Sevillako Pen cap Chew arituko dira Leioako talderik onena suertatu den Nasti de Plastirekin batera.
Bestalde, Aterpe Gazte Bulegoak Leioako VIII. Pop-Rock lehiaketako eta aurreko edizioetako irabazle eta finalisten abestiak entzungai jarri ditu. Zoritxarrez, kanta horietaz gozatzeko Aterpen bertan dagoen ordenagailu bateraino jo beharko dute zaleek bertan baino ez baitaude entzungai. Bestalde, Gazte Bulegoak jakinarazi duenez, urtero edizio berri bakoitzari dagozkion finalisten eta irabazleen lanak ere gehituko dituzte.
Leioako VIII. Pop-Rock lehiaketaren finalak jokatuko dira gaur gauean eta bihar
Gaur, ostirala, eta larunbatean izango dira aurtengo Leioako VIII. Pop-Rock lehiaketaren finalak. Edizio honetan 116 musika taldek, tartean 11 talde leioaztar, aurkeztu dituzte beren lanak. Kanpoko parte hartze handiari buruz, "gure herriko mugak irekita egon dira, gure partaide zerrendara jatorri ezberdinak gehituz", adierazi dute antolatzaileek. Urtero legez modalitate ezberdin bi egon dira, 38 metal talde eta 78 pop-rock talde aurkeztu direla. Leioaztarrei dagokienez, gehiengoak, 9, pop-rockera bideratu da. Finala gaur eta bihar 21:30tik aurrera Aldapa auditorioan jokatuko bada ere, dagoeneko bi sari iragarri eta eman ditu antolakuntzak: Euskara Saria, Etxebarriko Niketz metal taldeko "Irakurri ezinezko hitzak" abestiari emana eta Leioako talderik onenari, kasu horretan Nasti de Plasti taldeak eskuratu duela. Argazkian, leioztarrak pasa den apirilaren 26an Barakaldoko Edaska aretoan emandako kontzertuan / Nasti de Plasti.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun