Ziklomotorren azterketa egingo dute ostiralean Itzubaltzetan

Erabiltzailearen aurpegia Ukberri 2008ko mai. 27a, 20:57

Apirilaren hasieran egin bezala, Itzubaltzeta / Romoko Gobela Kiroldegiaren azpian dagoen aparkalekuan jarriko dute ostiral honetan, hilak 30, hiru urtetik gora dituzten ziklomotorrak IATren azterketa egiteko gune mugikorra. Getxo Udaleko iturriek zabaldu dutenez, hiru urtetik gora dituzten eta dagoeneko errebisatu ez dituzten ziklomotorrek aldizkako azterketa teknikoa egiteko beharra dute, Eusko Jaurlaritzak 2007an horrela erabaki zuenez geroztik, eta hori dela eta, IAT estazio ibiltariak ipini dituzte herriz herri ibiltzeko. Getxo udalerriari dagokionez, ostiralean izango da horietako bat Gobelan, 9:30etik 13:30ak arte eta 15:30etik 18:30ak arte.

Industria Sailak komenigarritzat jo du aipatu estazio mugikorrak ipintzea bi gurpildun ziklomotorren joan-etorriak herri barrura mugatzen direla kontuan hartuta, eta batzutan bide azkarretatik ibiltzea galarazita dutelako. Aipatu egunetan azterketa egitea ezinezko dutenek IATra jo beharko dute hurrengo azterketak noiz eta non egingo diren jakiteko.

Bestalde, Getxoko Udaltzaingoak kartelak ipini ditu institutu eta ikastetxeetan eta hamabostaldi honetan egiten ari den ziklomotorren gaineko zaintza kanpaina baliatuta, orri informatiboa ari da banatzen haien gidarien artean.
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun