Bestalde, urtarrilaren 17an ere, Basauriko Txarraska gaztetxeak bere 10 urteurreneko ekitaldien artean errepresioaren aurkako kontzertua eskainiko du, 21:30etik aurrera. Bertan izango dira Lendakaris Muertos, Suspenders eta Neurotika. Bost euroko sarrera atean bertan erosi ahal izango da.
Kontzertuekin jarraituz, datorren otsailaren 28an, Izenik Ez Itzubaltzeta / Romoko talde beteranoak bere 15. urteurrena ospatuko du etxean, Itzubaltzeta gaztetxean, bere entsegu lokalaren ondo-ondoan. Haiekin batera, Alproja talde historikoa izango da, Larrabetzuko Hori Bai gaztetxean emandako kontzertuaren bigarren zatia eskainiz. sarrera hiru eurotan egongo da eta dirua Itzubaltzeta gaztetxea autogestionatzeko baliatuko dute.
Azkenik, ostiral honetan, urtarrilak 16, Getxoko Txorimalo gaztetxeak "Krisialdi kapitalistaren aurrean alternatiba marxista" izeneko hitzaldia hartuko du arratsaldeko 18:30ean.
Okupando Rom@aren agur kontzertua hartuko du itzubaltzetak gaur zortzi
Okupando Rom@ Itzubaltzeta / Romoko punkfolk musika taldeak lau urteren ondoren banatu eta oholtzak uztea erabaki berri du. Aurretik, taldearen abestiak batzen dituen CDa kaleratu du, salmentako dirua Bilboko Erribera kaletik desalojatutako okupen defentsa gastuak ordaintzeko bideratuko dutela. Okupando Rom@k azken agurra emango du urtarrilaren 17an, larunbata, Itzubaltzeta gaztetxean, taldea sortu zen aretoan bertan eta musutruk berriro ere. Izan ere, Itzubaltzeta / Romoko Kaskabilo konpartsak Getxoko bi presoren senideen aldeko jaialdia eskainiko du bertan. Arratsaldeko 8etatik aurrera, Okupando Rom@k kontzertu berezia eskainiko du, gonbidatuez inguratuta. Zortzikoteari bere azken agurra ematen laguntzeko bertan izango dira Puñalada Trapera, Kinkinela, Materia Gris, Izenik Ez, Atadxs a Nada, Amargor eta Ovariosvarios taldeetako kideak. Sarrera hiru eurokoa izango da eta gaztetxearen atean bertan erosi ahal izango da kontzertua hasterakoan. Urtarrilaren 17an ere, baina goizean, berriz, AHTren aurkako nazio manifestaziora joateko autobusa prestatu dute Itzubaltzetako Gazte Asanbladak eta beste taldeek. Izena gaztetxean zein Brankan eman daiteke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun