Getxoko Udalak bat egin nahi izan du Athleticenganako sentimenduarekin udaletxeko balkoi nagusian bandera zurigorri handi bat ipiniz “Getxo Athleticegaz” leloarekin, "gaur Sevillaren aurka jokatuko duen Kopako finalerdietako itzuliko partidu historikoaren aurrean gure talde bizkaitarrari babes osoa eman aldera", tokiko iturriek zehaztu dutenez. Udalak, "getxoztar guzti guztiekin batera", bat egin nahi izan du “une berezi hauetan Bizkaiko herri eta bazter guztietan biztu diren poz eta ikusmin izugarriarekin, Athletic Clubek, 24 urte geroago, berriro ere Kopako final berri bat jokatzeko aukera duelako”, adierazi du Imanol Landa alkateak. Getxoko Udalak zorionik handiena opatzen dio gaurko partidarako, baita datorren maiatzaren 13an Valentzian jokatuko den finalerako hainbeste irrikatzen duen txartela lor dezala ere. Argazkian, udaletxea Athleticen koloreekin jantzita / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun