Amnistiaren Aldeko Mugimenduak, herritarrei eskatu die atxilotuen senide eta lagunak babestea, azaldu du senideek oraindik ez dutela inolako informaziorik eta gogoratu du "inkomunikazio egoeran daudela eta, gainera, haien torturaren aurkako protokoloa bera ere ez dutela ezarri eta gazteak torturatuak izateko arriskuan daude". Hori dela eta, inkomunikazioa irauten duen bitartean manifestazioa izango da egunero, Algortako Telletxe kaletik, 20:00etan.
Ertzainek, herritarrek preso politikoen senideen protestarekin batu ondoren, Etxerateko kideei edozer gauza gertatuz gero haiek erantzule egingo luketeela eesan diete, baina minutu batzuen ondoren, eta kontzentrazioa komunikatua egon arren hainbat gazteri identifikazioa eskatu hasi dira. Ondoren, bultzatu eta karga egin dute, lehenengo borraz eta ondoren gomazko pilotakadaz. Era horretan, 200 bat gazte ehizatzeari ekin diote hainbat karga eginez herrian zehar. Besteak beste, Salsidu, Villamonte, Amezti, Basagoti eta Teilagorri kale eta plazetan. Era berean, hainbat identifikazio izan dira herrian zehar eta, baieztatuta ez badago ere, Amezti kaleko BBVAn hiru gazte atxilotu dituzteneko zurrumurrua zabaldu da. Gazteek, berriz, ihesean zihoazela hainbat edukiontzi bota dute euren atzean. Bestalde, 20:30ean, Etxeraten kontzentrazioaren baimena agortzearekin batera, ertzainek errepikatu dute bertan gelditzen zirenen aurkako jokamoldea, ezkutuekin hainbat gazte, heldu zein aitite-amama kolpatu dituztela. Une horretan Mungiola jipoitu eta atxilotu dituzte. Bukatzeko, Etxeratek erabiltzen duen pankarta eraman dute polizia autonomikoek.
Hamar bat minutu beranduago, agure bat erori da Bikain jatetxetik metro eskasetara eta horra joan da ertzain bat galdetzera ia anbulatzia deitzea nahi zuen. Agurearen ondokoek galdetu diote ia haiek "sorturiko zaurituentzat" izango ote zen.
Etengabe bitakorak garabaturiko atxiloketaren bideoa:
Atxiloketen eta indarraren bidez presoen aldeko protesta isilarazten saiatu da Ertzaintza
2008ko uzt. 23a, 00:19
"Baina, baina... Guardia Zibila baino okerragoak ez zarete ba!" edo "gezurra ematen du zuek euskal herritarrak izateak!" bezalakoak entzun behar izan dizkiote dozenaka ertzainek 80 bat urteko amama bati gaur iluntzean Algortan, Jon Mungiola gizonari (argazkian) lurrean zegoela ostikada bat eman, zaplazteko pare bat banatu eta furgonetan bilurrak jarrita atxilotuta eraman ondoren, lekukoek adierazi dutenez. Aurretik, bidea itxi diote 300 bat lagunek egin nahi zuten manifestazioari, gaur atxilotutako Arkaitz Goikoetxea getxoztarra eta Iñigo Gutierrez, Aitor Kotano Sinde eta Mikel Saratxo algortarrak eta beste 5 lagunen askapena eskatzekoa. Ondoren, protestakoak Etxeratek egunero egiten duen enkarteladara batu direnean, eta presoen aldeko eta ertzainen aurkako oihuak nagusitu direnean, poliziek herritarrak xaxatzen hasi, haien aurka oldartu eta azkenean hainbat karga egin dituzte herri osoan zehar, tartean agureak jipoituz. Atxilotuen inguruko daturik senideei ez dietela eman eta inkomunikatuta jarraitzen dutela salatu du AAMk. Era berean, egoera horretan jarraitu bitartean egunero 20:00etan Telletxen manifestazioa izango dela zabaldu dute. Etengabek atxiloketaren bideoa kaleratu du. Bestalde argazki gehiago hemen ikus daiteke.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun