Pirritx eta Porrotx hainbat urtetan izan dira Algortan umeen irribarreak biltzen eta trukean euskara eta musua ematen. Iaz, esate baterako bi emanaldi egiteko kontratatu zituen Getxoko Kultur Etxeak eta horiek sano beteta, azkenean hirugarren bat eman zuten sarrera gabe gelditu ziren ume eta guraso guztientzat.
Bestalde, kritikak ere ez dira falta izan. Izan ere hainbat guraso kexu agertu da horrelako ikuskizuna asteburuan beharrean aste egunetan jartzeagatik, horrek umeak mugitzeko sortzen dizkien arazoengatik. Era berean, ohi baino propaganda gutxiago egin dela iritzi diote, Getxoko Udal Gobernu jelkideak ikuskizuna "oharkabean" pasatzea nahi duelakoan pentsatuta.
Aurretik ere, eztabaida politikoan kokatuta egon da "Piratak" ikuskizuna. Getxoko Kultur Etxeko Kontseilu Nagusiak pasa den maiatzaren 18an baztertu egin zituen pailazoekiko kontratua apurtzeko PPk eta PSE-EEk egindako eskaerak, aurretik filtrazioek adierazitakoaren aurka.
Oraindik badago aukera Pirritx eta Porrotx ikusteko
2009ko eka. 12a, 13:26
Pirritx, Porrotx eta Mari Motots pailazo euskaldun ezagunek "Piratak" izeneko ikuskizuna eskainiko dute datorren astearte eta asteazkenean, Algortako Biotz Alai plazan. Orotara, lau saio izango dira, egun bakoitzeko bi: bata 17:00etan eta bestea 19:30ean. Baina, Getxoko Kultur Etxeko kideek UKBERRI.NETi adierazi diotenez, 5etako saio bietan "sarrera agortuak" kartela jadanik zintzilik dago. Hortaz, Pirritx, Porrotx, Mari Motots eta bestelako piratek altxorra topatzeko biziko dituzten abenturak zuzenean ikusi nahi dituenak 19:30erako sarrerak erosi behar izango ditu, edo gurasoak sarrera horien bila bidali. Eta horretarako, gainera, fite ibili beharko da. Izan ere, lerro hauek idaztean 18 sarrera baino ez dira gelditzen astearterako, hilak 16, eta 286 asteazkenerako. Guztira, 3.600 sarrera jarri ditu salmentan Getxoko Kultur Etxeak, bost eurotan. Txartelak Algortako Villamonte kaleko kultur etxean eta 944 310 310 eta 944 914 080 telefonoetan eskura edo erreserbatu daitezke goizeko 8etatik 14:30era. Gainera, BBKko orotarako kutxazainetan eta Interneten eros daitezke. Argakian, Porrotx.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun