![](berrirudi/barajas-atentatua-getxo-2.jpg)
Goizaldeko hiruak aldera Legution jazo den
atentatuaren ondoren, dozenaka elkarretaratzeren berri eman du
Bakearen Aldeko Koordinadorak, tartean bihar Uribe Kosta eskualdean eta Erandion egingo diren zazpi kontzentrazio isilak. “Ustezko helburu politikoak” eskuratzeko egiten den “bortxakeriaren erabilpena gaitzetsi eta ETAren desagerpena aldarrikatu zein gure herriak jasaten duen indarkeriak eragindako heriotzak” salatzeko Areetako Xake, Astrabuduako Josu Murueta, Erandioko Irailaren 23a eta Sopelako Udaletxe plazetan burutuko dira elkarretaratzeak. Lehenengoa kenduta (19:30ean egingo dute), beste guztiak 20:00etan izango dira. Aurretik, goizez, Leioako Irlandesas ikastetxean (11:00), Barandiaran institutuan (11:15) eta Leioa eta Erandioko campusean (11:45) izango dira kontzentrazioak. Eudelek deituta, berriz, 12:00etan egingo dituzte udaletxeen aurrean. Argazkian, aurreko batean, kontzentrazio isila Getxoko udaletxe aurrean.