Iñaki Rodrigo getxoztarrak egin du aurtengo Leioako Sanjuanetako kartela
2008ko mai. 14a, 16:08
Leioako San Juan jaietako aurtengo kartel lehiaketa Iñaki Rodrigo getxoztarrak irabazi du "Bolitas" izenburudun lanarekin. Irabazlea 42 lan artetik izan da aukeratua eta 800 euroko saria jaso du, tokiko iturriek jakinarazi dutenez. Horretaz gain ,epaimahiak aipamen berezia egin dio Markel Matos txikiaren lanari, lehiaketara aurkeztu den ume bakarra delako eta bost finalisten artean kokatu zelako. Bere irudiak jendeak antortxak udaletxera igotzen dituen momentua irudikatzen du. Lehiaketara aurkeztutako lan guztiak Kultur Leioako 5.solariuan izango dira ikusgai. Bestalde, joan den igandean Margolari Gazteen XI Lehiaketa ospatu zen Leioan. Edizio honetako lehen saria Shakti Olaizola leioaztarrarentzat izan zen, bigarrena ere Leioan geratu zen, Raquel Felezek irabazi baitzuen. Azkenik, hirugarrena, Gasteizko Eduardo Alsasuak hartu zuen. Bestetik, herriko margolari onanenaren saria Carlos Torrerentzat izan zen. Leire Ahedok aurtengo sari berriarekin egin zen, hau da, 18 urtetik beherakoentzako sari berezia. Argazkian, Sanjuanetako aurtengo kartela.Aurtengo margolari gazteen lehiaketara 33 lan aurkeztu ziren denetara, 14 eta 35 urte bitarteko neska-mutilek sorturiko obra horiek Leioako txoko esanguratsuren bat isladatu behar zuten, eta 8:00etatik 15:00etarako denbora tartea baino ez zuten izan lehiakideek. Julio Hernandez eta Luis Candaudap-ek osatutako epaimahaiak aurkeztu ziren lanen maila handia azpimarratu zuen; "aurreko urteetakoa baino altuagoa" zela jakinarazi zuen. Gainera collage-a bezalako teknika berriak ere erabili zirela argitu zuten epaimahaikideek. Maila hori dela eta lau aipamen berezi egin zituzten: Bilboko Alain M. Urrutia, Portugaleteko Oiane Landaluce, Biboko Sandra Arroniz eta Leioako Nagore Morillasen lanak, hurrenez hurren. Lehiaketan aurkeztutako obra guztiak Errekaldeko Nagusien Etxean egongo dira ikusgai, ekainaren 30era arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun