Hala ere, horretarako ostiralera arte itxaron beharko dute gautxoriek. Bitartean, dagoeneko salgai jarri dituzte larunbateko herri bazkarirako txartelak: Getxoko Lorea eta Algortako UK eta Amnistia tabernetan daude eskura, 6 euroren truke.
Egitaraua:
Maiatzak 15, osteguna
12:00 San Isidro eguneko meza, luntxa eta aurreskua kooperatibaren eskutik.
17:00 Idi probak.
17:30 Haur animazioa Malakate plazan.
19:00 Kalejira txistulari, buruhaundi eta hankapaluekin Malakatetik parkingeraino.
19:30 Bertso pregoia Geroa ikastola eta Andra Mari ikastetxeko neska-mutilen eskutik eszenatokian.
20:30 Txokolate jana.
Maiatzak 16, ostirala
18:00 Aerobic maratoia Malakaten (partaidetza irekia).
18:00 Mus txapelketa kiroldegi aurrean.
22:00 Haur zinema Malakaten.
21:00 Kontzertuak parkingean: Patada en la Papada, Early Reflections eta EH Sukarra.
Maiatzak 17, larunbata
Egun osoan zehar graffiti erakustaldia.
11:00 Puzgarriak Malakaten.
12:00 Sokatira txapelketa kiroldegi atzean.
13:30 Triki poteoa Malakatetik elizaraino.
15:00 Herri bazkaria kiroldegi aurrean. Txartelak 6 eurotan salduko dira Getxoko Lorea tabernan eta Algortako UK eta Amnistian.
17:30 Bazkalosteko karaokea.
18:30 Fanfarrea-poteo erraldoia herriko tabernetatik
19:00 Kontzertuak parkingean: Entidad eta Nerviosah.
20:30 Itxas Argiaren dantzaldia kiroldegian.
20:00 Kontzertuak parkingean: D.A.R. eta Unsain (dantzaldia).
Maiatzak 18, igandea
13:00 Txakur txapelketa elizan.
13:00 Txalaparta eta taloa txorizoagaz.
18:00 Eskupilota txapelketaren finalerdiak eta finala Geroa ikastolako frontoian.
18:30 Dantzaldia parkingean.
Aurreko asteburuan hainbat ekitaldi egon ziren arren, ostegun honetan, maiatzak 15, emango zaie hasiera Getxoko San Isidro jaiei. Aurten udalerri osoan da jai eguna biharkoa eta, hori aprobetxatuz, igandera bitartean, ekitaldiz beteriko lau egun prestatu ditu jai batzordeak. Horrenbestez, ordu erdi lehenago, Malakate plazatik abiatuko den txistulari, buruhaundi eta hankapaluen kalejirari jarraipena emanez, 19:30ean irakurriko dute bertsoz jantzitako pregoia Geroa ikastola eta Andra Mari ikastetxeko neska-mutilek. Hala ere, aurretik meza, luntxa eta aurreskua (12:00); idi probak (17:00); eta haurrentzako jarduerak (12:30) egongo dira. Lehen aipatu pregoi irakurketa kiroldegi atzeko parkingean egingo dute, ospakizun gehienak bezala. Izan ere, iaz txiki gelditu zitzaien eliza ondoko landa, jaiak antolatzearen ardura hartuta berri zeukaten lagunei. Bada, orain urte bete lan txukuna egin bazuten, aurtengoan ez dira etxeko lanak egin barik gelditu. Izatez arrakastatsuak diren ohiko ekitaldiak mantentzeaz gain, egitaraua osatu eta indartu egin dute; batez ere kontzertuei dagokionez. Besteak beste, EH Sukarrak joko du aurten Getxoko San Isidroetan. Argazkian, Agurrako txistulariak iazko jaietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun