Itzubaltzeta gaztetxeko antzezlan guztiak ostiraletan ikusi ahal izango dira, iluntzeko 9etatik aurrera, eta emanaldirako sarrera 2 eurotan erosi ahal izango dira gaztetxean bertan. Gaztetxeak hamabost egunero antolatzen ditu antzezkizunen bat, herriko oholtza bakarra inguruko artistei eskainiz.
"La ruleta"n ikusleak lau pertsonen arteko errusiar erruletako partidaren lekuko izango da. "Zetazeak" antzezlanean fabula ekologikoa eta oroitzapen biologikoen artean murgilduko da, ordea. Azkenik, "Ariketa" euskarazko lanean Amaia Pascual eta Miren Gaztañaga aktore eta dantzariak izango dira oholtzaren gainean, emakume baten barne-behaketaren berri emanez, Arrate Etxebarriak zuzenduta.
"La ruleta" antzezlana eskainiko du iluntzean Itzubaltzeta gaztetxeak
2008ko mai. 16a, 18:40
Gaur hasi eta hilabete baten epean, hiru antzezlan eskainiko ditu Itzubaltzeta / Romoko Itzubaltzeta gaztetxeak. Izan ere, orain arte antzerki emanaldiak hilero eraman ditu aurrera zentro sozialak, baina ikusleek egindako harrera bikainari esker, maiztasun hori bikoiztea deliberatu egin dute antolatzaileek. Horrela, gaur iluntzeko 9etan, "La ruleta" Zaragata konpainiaren gaztelerazko antzezlana eskainiko dute. Bi aste beranduago, maiatzaren 30ean, berriz, euskarazko "Zetazeak" antzeztuko du Antzerkiolatik sortutako izen bereko konpainiak. Sanjuanak bitarteko programazioari amaiera emateko, berriz, La Calvario konpainiak dantza eta antzerkia bilduko ditu "Ariketa" lanean, ekainaren 20an. Argazkian, Miren Gaztañaga aktoreak "Ariketa" lanean jardungo du.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun