La Compagnie Folklorique Fanny Thibout et les Tiesses di Hoye 1936an sortu zuen Fanny Thibout erritmo eta gorputz-espresioko irakasleak; eta, ordutik, ikerketa lan handia egin du –batez ere Waloniako herrialdeetan- aintzineko dantzak eta abestiak berreskuratzeko, eta bakarrik bertoko gutxik ezagutzen dituztenak. Bere errepertorioan XVIII eta XIX mendeetako dantza tradizionalak jasotzen dituzte, hala nola, jolasak, abestiak eta Belgikako Lieja hiriko musikak. Gaur egun 40 bat pertsonek osatzen dute taldea.
Itxas Argia Dantza Taldea, berriz, 1964an sortu zen eta ordutik Euskal Dantzarien Biltzarraren kide da. Bere helburuen artean aintzineko euskal dantzak eta musikak berreskuratzea dago, gero munduan zehar zabaldu ahal izateko. Gaur egun nagusien taldean 50 bat pertsona daude, dantzari eta musikariak tartean. Bestetik, 5 eta 15 urte bitarteko hainbat ume eta gazte daude taldean, urtean zehar euren emanaldiak eskaintzen dituztenak.
Belgikako dantzariak arituko dira bihar Getxoko Sanisidroetan
2008ko mai. 16a, 22:49
Larunbat honetan, maiatzak 17, udaletxean egingo die harrera Koldo Iturbe Kultur zinegotziak Itxas Argia dantza talde getxoztarrak antolatzen duen Herrien Jaialdian parte hartuko duten bi taldeei, Itxas Argia berari eta La Compagnie Folklorique Fanny Thibout et les Tiesses di Hoye talde belgikarrari, hain zuzen. 11:00etatik aurrera, erakustaldi txiki bat egingo dute bertan talde bietako dantzari eta musikariek. Getxoko Sanisidroetan egin ohi du Herrien Jaialdia Itxas Argiak. Ekitaldia 21:00etan hasiko da jaialdia, Andra Mariko udal kiroldegian, eta sarrera dohakoa izango da. Argazkian, iaz Danimarkako eta Aragoiko (argazkian / Ilanda.eu) dantza taldeekin batera aritu zen Itxas Argia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun