Maiatzaren 24ko jardunaldiaren helburuak dira, besteak beste, Uribe Kostako Mankomunitatean emakumeen eta eurek osatzen dituzten elkarteen egoera aztertzea; baita aipatu taldeek 2007tik egiten dabiltzan lana ezagutzera ematea. Bestalde, jendartean emakumeen parte hartzea sustatzeko bideak adostu nahi dituzte; etorkizunerako oinarriak jartzeko, azaldu dutenez.
Egitaraua:
9:30 Parte hartzaileei harrera.
10:00 Inaugurazio mahaingurua:
- Izaskun Moyua Emakundeko presidentea.
- Juan Olea Uribe Kostako Mankomunitateko presidentea.
- Estibaliz Anitua Mankomunitateko Berdintasun teknikaria.
- Begoña Artegi emakumeen lantaldearen ordezkaria.
10:30 Eztabaida eta galde-eskeak.
11:00 Kafe-ordua.
11:45 Lantaldeak.
13:45 Bazkalordua.
15:15 Lantaldeak.
17:00 Landutakoa amankomunean jarri eta eztabaida.
18:00 Amaiera.
Emakunderen ekimenez, emakumeen topaketa egingo dute larunbatean, maiatzak 24, kultur etxea zen Urdulizko eliza ondoko eraikinean, hau da, egungo Emakumeen Etxean. Uribe Kostako Zerbitzu Mankomunitatearen laguntzaz, besteak beste, Plentziako Araldi, Barrikako Emakumeen Ahotsa, Berangoko Emakumeen Kultur Elkartea eta Urdulizko Inola andrazkoen taldeak dabiltza jardunaldia antolatzen. Hain zuzen ere, Izaskun Moyua Emakundeko zuzendariak eta Juan Olea Urdulizko alkate eta Mankomunitateko presidenteak parte hartuko dute 9:30etik 18:00etara luzatuko den saioan. Parte hartzeko maiatzaren 22ra bitartean izena eman behar dela jakinarazi dute tokiko arduradunek. Horretarako 946 762 674 telefono zenbakia eta berdintasuna[abildua]uribekosta.org e.posta helbidea jarri dituzte eskura. Dohainiko ludoteka eta haurtzaindegi zerbitzuak izango dira. Argazkian, hainbat lagun Urdulizko Emakumeen Etxean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun