Hamargarren urteurrena ospatzeko hainbat jarduera antolatu ditu Munarrikolanda mendi taldeak
2008ko mai. 19a, 23:11
Hamargarren urteurrena dela eta, aste honetarako hainbat jarduera antolatu ditu Sopelako Munarrikolanda mendi taldeak. Horrenbestez, ostegun eta ostiralean, dokumental bana proiektatuko dute udalerriko kultur aretoan, 19:30etik aurrera: Luis Alejosen "La mer de grace" eta Jon Ander Iriarte eta Alfonso Marinen "Trecking de los cerros-cumbles del Huascaran (Peru)", hurrenez hurren. Larunbatean, berriz, 6 urtetik gorako umeentzako jarduerak (tirolina, eskaladarako hasierakoak, norabidetze lasterketa...) izango dira, 10:00etatik aurrera, Iturrieta parkeko eskalada-murruan. Azkenik, igandean, mendian postontzia berria ipintzeko ibilaldia egin eta bazkari batekin (15:00) emango diete amaiera ospakizunei. Argazkian, Munarrikolandako mendizaleek igaz Autzara (Nafarroa) egindako irteera.Horrenbestez, igandean, 9:00etan abiatuko dira eliza ondoko egurrezko aterpetik, 11. urteurrena dela eta, mendi-postontzia jartzeko. Adin txikikoek aita-amen baimena beharko dutela argitu dute Munarrikolanda mendi taldekoek. Bazkarirako izen-ematea, berriz, klubean bertan egin beharko da. Bestalde, larunbat (10:00etatik 14:00etara) eta igandean (10:00etatik 14:00etara eta 18:00etatik 21:00etara) argazki erakusketa egongo da ikusgai, udaletxeko plazan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun