ETAko buruzagia eta beste hiru etakide atxilotu dituztela diote Espainiak eta Frantziak
Frantziako Poliziak, Guardia Zibilarekin batera, lau euskal herritar atxilotu ditu bart, 23:30ak aldera, Bordelen (Okzitania). Albiste agentziek zabaldutakoaren arabera atxilo hartu dituztenak Jon Salaberria EH eta Batasuna alderdien Gasteizko Legebiltzarkide ohia, Igor Suberbiola, Ainhoa Ozaeta eta Francisco Javier Lopez Peña "Thierry" dira. Azken horri ETAko buruzagirik garrantzitsuena izatea eta Barajasko aireportuaren aurkako atentatua agindu izana leporatzen dizkiote eta beste hiruri, aldiz, ETA erakundearen logistika taldekideak izatea. Ozazetaren kasuan ETAk eman zuen azken su-etena iragarri zuela esan dute. Operazioa 23:30ean hasi eta 00:15ean amaitu da lauren atxiloketekin. Zabaldutako bertsioaren arabera, atxilotutakoak armatuta zeuden baina ez dute erresistentziarik jarri. Argazkian, ETAk 2006ko martxoaren 24ko ekintza armatuen etenaldia iragartzeko kaleratutako bideoaren irudia.
Era berean, atxiloketa unean ETAren aldeko leloak oihukatu dituztela zabaldu dute hainbat komunikabidek, baina TVEk emandako irudietan "gora Euskadi askatuta" eta "gora Euskal Herria" besterik ez da entzun. Lau pertsonak zeuden etxea bihar miatuko dute. Bitartean, atxilotuak Bordeleko komisariara eraman dituztela zabaldu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun