Fernandezen hitzaldiak "Medios de comunicacion y personas con discapacidad" du izena eta bertan, minusbaliotasunak dituzten pertsonek jasotzen duten tratua aldatzeko mekanismo berriak proposatuko du, ezgaitasunaren gaian aditua den kazetariak idatzitako estilo liburua ardatz hartuta.
Txostenaren helburu nagusia etorkizuneko kazetariak ezgaitasunak dituzten pertsonen mundura hurbiltzea da eta orain arte kolektibo horrekiko egon den begirada negatiboa aldatzea. Gizartean barneratzeko oztopoak jarri dituen begirada aldatzea da xedea. Hitzaldian hedabideek ezgaitasunaren alorrari ematen dioten tratua aintzat hartuko da, zer nolako lengoaia erabiltzen den eta zein mekanismo izango lirateke hoberenak kolektibo horri atxiki izan zaion irudia positiboan jartzeko. Hitzaldia Ezgaitasunak dituzten Pertsonentzako Zerbitzuak eta EHUko Gizarte eta Komunikazio Zientzien Fakultateak antolatu dute.
Mary Nash (argazkian) Bartzelonako Unibertsitateko katedradun irlandarrak Espainiako trantsizio garaiko emakumearen historia ezkutuaren berri emango du gaur Leioa eta Erandioko campusean. "El movimiento de mujeres en la transicion" izeneko hitzaldia entzuteko hitzordua goizeko 12etan izango da, liburutegi nagusiko hitzaldi aretoan. Nash Historia Garaikidean katedraduna da eta Espainiako emakumeen historiaren gaineko ikerketan pertsonarik garrantzitsuentzat jotzen dute askok, hirurogeita hamargarren hamarkadatik estatuko emakumezkoen azterketan oinarritu baitu bere lana. Dena den, Nashena ez da gaur campusean egongo den hitzaldi bakarra. Ordu berean, baina gelategi berriko arrosetoian, Jose Luis Fernandez Iglesiasek minusbaliotasunak dituzten pertsonen eta hedabideen arteko harremana aztertuko du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun