Soziolonguistika Klusterreko kideek "Argia" astekariari adierazi diotenez, "bikotea edozein motatakoa izan daiteke: ezkonduta daudenak, ez daudenak, seme-alabak dituztenak, ez dituztenak..., baina ezaugarri hori izan behar dute, beraien arteko harremanean hizkuntza aldatu duten bikoteak izatea: lehenago beraien arteko harremana erabat edo nagusiki gaztelaniaz izatea, eta gaur egun, erabat edo nagusiki euskaraz".
Laguntzeko prest dauden bikoteak Soziolinguistika Klusterrarekin jar daitezke harremanetan, telefonoz (943 592 556) edo e-postaz (kluster[abildua]soziolinguistika.org).
Bere harremana euskaldundu duten bikoteen bila dabil Soziolinguistika Klusterra
Soziolinguistika Klusterrak euskal herritarron hizkuntz ohituren aldaketari buruzko ikerketa bat egiten dihardu eta berau garatzeko herritarren laguntza eskatu du. Hizkuntza Politikarako Sailburuordetzak eskatuta abiatu zuen Soziolingustika Klusterrak bere egitasmoa. Izan ere, euskara etxean transmititzeak duen garrantzia kontutan hartuta, hizkuntz ohituren aldaketan eragiten duten faktoreak aztertzea da Klusterraren xedea. Horretarako, hizkuntz ohitura aldatu duten bikote batzuen azterketa egin nahi dute eta hori dela eta bikote horiek topatzeko laguntza eskatu dute azterketaren arduradunek. Argazkian, nesken bikote bat / Reshi.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun