Iluntzeko 8etan campuseko atxiloketak salatzeko kontzentrazioa egingo dute Sopelan
2008ko mai. 21a, 18:06
Leioa eta Erandioko campusean atzo izandako istiluetan hiru gazte izan ziren atxilotuak eta gaur bertan aurkeztu du horien aurkako salaketa EHUk, "desordena publikoa eta txikizioak eragitea" egotzita. Hain zuzen ere, atxiloketa horiek eta "azkenaldian EHUk bizi duen jazarpen poliziala" salatzeko, elkarretaratzea deitu dute iluntzeko 8etarako, Sopelako hainbat herritarrek. Kontzentrazioa 20:00etan izango. P.B. sopeloztarra da atzo Ertzaintzak atxilotuetako lagunetatik bat. Herrikideek UKBERRI.NETi jakinarazi diotenez, gaur eguerdian askatu dute gaztea. "Jipoitu eta zauritu ere egin zuten", salatu dutenez. Bitartean, campusean 120 bat ikasle bildu dira gaur (argazkian / Gaztesarea) atzoko gertakariak salatzeko; baita horien errudun Errentoretza jo ere. Istiluen argazkiak ikusteko sakatu hemen."Errektoretzaren jarrera salatzen dugu, bere txakurrak lotu ditzala exijitzen diogu. Argi eduki dezala biolentzia egoera hau beraiek sortua dela. Ikasle mobilizazioak kolpeka disolbatzen badituzte erantzuna logikoa dela", adierazi dute ohar baten bidez campusean bildutakoek. Halaber, elkartasuna adierazi diete atxilotutako hiru ikasleei, zaurituei eta kolpatuak izan ziren ikasle orori. "Ez dago hitz askoren beharrik, erantzunik onena abstentzioa!", amaitu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun