Era berean, aspaldiko ohiturak mantentzeaz gain, "urtean zehar euskararen alde egiten duzuen guztioi gure errekonozimendua aitortzeko eta gure eskerrak emateko ekimena ere bada guretzat, jai egun honetan euskararen berreskurapenaren alde egin duzuen ahaleginari omenaldia egin nahi diogu" adierazi dute elkarteko kideek.
Txitxiburruntzi Egunaren, ekainak 8, egitaraua:
• 10:30etan, dultzaineroek lagundutako kalejira Leioa erdigunetik udaletxeko plazaraino.
• Goiz osoan zehar umeentzako gaztelu puzgarria eta haurren jolasak.
• Egun osoan zehar txosna.
• Egun osoan zehar San Juan jaietako Antzinako eguneko Karroza eta bertan zuen seme alabei dohainik argazkia ateratzeko aukera!
• 12:00etan, Txitxiburruntzi jana (dantzarientzat dantzatu osterako mahai propioa egongo da) dohainik.
• Goizean zehar Berbalamiñek antolatutako dantza, pandero eta txalaparta ikastaroetan parte hartu duten ikasleen erakustaldiak
• 12:30etik 13:30era, Gure Ohiturak dantza taldeen erakustaldia.
• 14.30ean, Larrain Dantza herrikoia.
• 15:00etan, herri bazkaria.
• Arratsaldean zehar, taloak.
• 17:00etatik 20:00etara, erromeria “Lisker” taldearekin.
Bi urtez Txitxiburruntzi Eguna San Bartolome auzoan ospatu ondoren, ekainaren 8an ospatuko den aurtengo edizioa Leioako udaletxeko plazara jaitsi egin du Berbalamiñe euskara taldeak. Horretarako arrazoia izan da iazko kokalekuan burutzen ari diren herri lanek jaia bere osotasunean burutzea oztopatuko luketela. Dena den, elkarteak "aurreko urteetako edizioak oso arrakastatsuak" izan zirela gogoratu eta datozen urteei begirako bere asmoa euskal giroko jai honekin San Bartolome auzoan jarraitzea dela argitu dute. Izan ere, Berbalamiñek gogoratu duenez, Txitxiburruntzi Egunaren bidez, "gure herriko aspaldiko ohiturari" heltdu nahi izan diote, "aspaldi Txitxiburruntzi egunez leioaztarrok herriko auzo batean bildu eta bertan trikitixa doinu eta jai giroz egun pasa egiteko ohitura" baitzuten. Bestalde herri bazkarirako txartelak dagoeneko salgai daude, ekainaren 4ra arte, Mastitxu eta Lamia AEK euskaltegietan zein ohiko tabernetan. Argazkian, iazko Txitxiburruntzi Eguneko irudi bat. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun