Juan Ignacio Perez Iglesias ez da izango datozen lau urteotako EHUren errektore berria. Gaur, unibertsitatean ospatu diren hauteskundeetako hautagai bakarra izan bada ere, ez du bere kudeaketaren azterketa gainditu, boto eman dutenen artean, eta botoa estamentuen arabera moldatu ostean, %54,6k ezetza eman diolako. Boto errealean ere galdu egin du: 2.652k bere aurka bozkatu du eta soilik 2.243 bere alde. Beste 766k zuri bozkatu dute. Guztira, 5.661 unibertsitarioek baino ez dute botoa eman, erroldaren (54.701) %10,3, alegia. Izan ere, 100 ikasletik 3 baino ez dira hurbildu hautestontzietara. Perez Iglesiasek onartu du porrota "handia" izan dela eta uko egin dio dagoeneko irekiko den hauteskunde prozesu berrian berriz aurkezteari. Hortaz laster errektore ohia izango denak irakasle izatera bueltatuko dela argitu du. Klaustrorako hauteskundeen emaitzak bihar ezagutaraziko ditu unibertsitateak. Leioako campusari dagokionez, Ertzaintzak ikasleen aurka ekitea izan da hauteskunde egunean azpimarratzekoa.
Perez Iglesiasek irabazi du, doi-doi, doktoreak ez diren irakasle eta eta ikerlarien artean (%54,49) eta, IAk eta beste sektoreek bereganatu duten abstentzioaren eraginez, hautestontzietara hurbildu diren ikasle bakanen artean (%50,34). Irakasle eta ikerlari doktoreek (%57,73) eta, batez ere, administrazio eta zerbitzuetako langileek (%35,42), berriz, oso babes eskasa eman diote errektoreari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun