Siperen aburuz, lan iragarki-tauletan agertutako kartelengatik jakin dute ErNEk bakarrik deitutako protesta eta epaitegietara jotzea "protesta 'light' horiek" baino eraginkorragoa dela ziurtatu dute. Ildo horretan, "Sailaren ez legezko larderia" auzitegietara eramateko ekimen legalak abaitu dituztela iragarri dute Sipekoek. Dagoeneko, Bilboko Ertzain-etxean lan batzarrak lan ordutegiaren barruan egitea lortu dutela iragarri dute.
Bestalde, ErNEk orain arteko neurriak bertan behera uzteaz gain, Lan Baldintzak Arautzeko Hitzarmena "txikitzeko saioa" egitea leporatzen dien Herrizaingo Saileko Herritarren Segurtasunerako Alorreko nagusiaren eta Poliziaren zuzendariaren dimisioak eskatu ditu. Era berean, ErNEk ez du Javier Balza Herrizaingo sailburuaren aurka jotzeko aukera galdu eta lan hitzarmen berria negoziatzeko borondate eza eta leporatu dio.
ErNE eta Sipe sindikatuak deituta, etzi, asteazkena, ertzainek elkarretaratzea burutuko dute Erandio Landako Ertzain-hirian. Polizia autonomikoaren gehiengo sindikala duen ErNEk goizeko 11:00etan jarri du hitzordua, goizeroko batzarrak lan ordutegitik kanpo egiten direla eta ertzainen lan baldintzak "etengabe urratzen" direla salatzeko. Besteak beste, Lan Baldintzak Arautzeko Hitzarmena urratzea, polizien ordutegia luzatzea eta lantaldez etengabe aldatzea jarri dute adibidetzat ErNEkoek. Ertzaintzaren Lanbide Sindikatuak (Sipe), bat egin du ErNek deitutako mobilizazioarekin eta aldarrikapenekin, nahiz eta sindikatu gehiengodunaren jokamoldeak publikoki arbuiatu dituen: "ErNEren deialdiak argazkia ateratzea beste helbururik ez dute izaten". Argazkian, Erandio Landan Erne sindikatuak aurretik egindako protestaldi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun