Anil Markandya London School of Economics-eko Ingurumen Ekonomian doktore da eta hainbat unibertsitatetako irakasle (Princenton, Harvard, Berkely, Universitiy College, Bath...) izan da. Era berean, laguntzaile lana jokatu du munduko erakunde nagusietako hainbat kargutan: Munduko Bankua, Nazio Batuen Erakundea, ELGA (Ekonomi Lankidetza eta Garapenerako Erakundea) eta FAO (Elikadura eta Nekazaritzarako Nazio Batuen Erakundea). Gainera, Klima-aldaketari buruzko Gobernuen arteko Panelen (IPCC) kidea da. 2007an, Bakearen Nobel Saria eman zioten panel horri, Al Gorerekin batera.
Egitaraua:
- 10:00: aurkezpena.
- 10:15: Marian Barquin, Ihobeko Klima Aldaketaren arloaren buruaren hitzaldia gazteleraz: "Aldaketa Klimatikoaren Aurkako Borrokarako Euskal Planaren Conocimiento Programaren Zabaltzea".
- 10:45: Anil Markandya, Basque Centre for Climatic Change erakundeko zuzendariaren hitzaldia ingelesez: "Datozen urteetan BC3k jorratu gura dituen eta klima-aldaketarekin, egokitzapen-egoerekin eta mitigazio-mekanismoekin zerikusia duten ikerketa-ildoak".
- 11:45: mahai-ingurua.
Euskal Herriko Unibertsitateak bilera zientifikoa antolatu du Leioa eta Erandioko campusean, ostiral honetan, hilak 30, Aldaketa Klimatikorako Euskal Zentroarekin bat egiten duten bere ikertaldeen ikerketa-ildoak identifikatzeko. Hitzordua goizeko 10:00etan jarri dute, Zientzia eta Teknologia Fakultateko Paraninfoan, eta bertan, besteak beste, honako adituak izango dira: Anil Markandya (argazkian) Aldaketa Klimatikorako Euskal Zentroaren (BC3, ingelesezko bere izenagatik, Basque Centre for Climatic Change) zuzendaria, eta Ihobe Eusko Jaurlaritzako ingurumenerako enpresa publikoko Maria Barquin. Izena eman nahi duten ikasle zein irakasleek bere datuak (izena, saila, ikastegia, e-posta) innosortzen@ehu.es. helbidera bidaltzea, besterik ez dute egin behar izango.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun