Ereagako hondartzara kanpotik etorritakoek TAO ordaintzea eskatu du Getxoko PPk

Algortako Ereaga hondartza inguruko aparkalekuetan TAO zerbitzua jartzea eskatzeko mozioa aurkeztu du Getxoko PPk, ostiral honetan, maiatzak 30, egingo den udal batzarrean eztabaidatua izan dadin. Marisa Arrue tokiko popularren bozeramaileak (argazkian) azaldutakoaren arabera, "kanpotik etorritakoek baino lukete ordaindu behar izango. Getxoztarrei, berriz, bereizgarriren bat emango lietzaieke libratzeko, dagoeneko tokiko zirkulazio zerga pagatzen baitute". Ereaga inguruan TAO ezartzea eremu horretan "trafikoa arintzea" ekarriko luke, PPkoen ustez; "batez ere eguraldi ona egiten duen egunetan eta asteburuetan". "Getxo udalerrikoetan ez bezala, Bizkaiko beste hondartza guztietan -Sopela, Plentzia eta Gorliz tartean- kobratzen dute aparkatzeagatik. Ereaga inguruan sortzen atasku handiak konpontzen lagunduko luke neurriak; auto iladak Itzubaltzetako errotondaraino ere heldu ohi dira", azaldu du Arruek.