Euskal Herriko Unibertsitateko (EHU) Bizkaiko campuseko Errektoreordetzak EPEZ II (Enpresetan Praktikak Europan Zehar) programaren ezohiko deialdia antolatu du. Lehenengo esperientzia profesionala eskuratu nahi duten tituludun gazteei zuzenduta dago eta BBKren Gaztelanbidean Fundazioaren laguntza du egitasmoak, EHUko iturriek prentsa ohar bidez azaldu dutenez. Aukeratutako titulatu gazteek praktika profesionalak egingo dituzte Alemanian, Frantzian, Italian, Portugalen, Erresuma Batuan eta Txekiar Errepublikan, 14 asteko egonaldietan, 2008ko urria eta 2009ko otsaila bitartean. Informazio gehiago nahi izanez gero, 946 013 679 telefono zenbakira deitu daiteke edota mezu bat bidali enplegubizkaia[a bildua]ehu.es helbidera. Argazkian, hiru ikasle praktiketan EHUn.
EPEZ programaren onuradunek Leonardo da Vinci Agentziak eta BBK Gaztelanbidean Fundazioak konfinantzatutako diru-laguntza izango dute. Eskaera-orriak eskuratzeko lekuak Leioa eta Erandioko campuseko Enplegugunea eta www.ehu.es/enplegugunea web-orria dira. Eskaera aurkezteko epea maiatzaren 26an hasi zen eta eskaerak jasotzeko azken eguna ekainaren 9a izango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun