Bihar, ostera. apurka-apurka ezegonkortasuna ahultzen joango da eta, ondorioz, giroa ere baretzen joango da. Hodeitza aldakor ibiliko da; arratsaldean hodeiak garapen handiagoa izango dute eta han-hemenka zaparradaren bat utz dezakete, hala ere, aurreko egunetan baina ahulagoak izango dira. Kostaldean ipar-mendebaldeko haize bizia ibiliko da. Beste egun batez, termometroak nekez gaindituko du 20 ºC-ko muga.
Azkenik, asteartean atsedenaldi bat izango dugu eta behingoz eguzkia ikusteko aukera izango dugu hodei artean. Arratsaldean bero-hodei batzuk garatuko dira eta zaparrada bakan eta arinen bat utz dezakete. Azken orduetan zerua goibeltzen joango da eta berriro hodeiek mendean hartuko dute sabaia. Tenperaturak ildo beretik jarraituko du eta arratsaldean haizea ahul ibiliko da ipar partetik.
Urak behera doaz pixkanaka
2008ko eka. 1a, 23:40
Momenturik larriena 15:00etarako espero bazuten ere, itsasgorak ez du arazo handiagorik sortu eta urak behera doaz. Bitartean, euri jasa gogorrek eragindako kalteen ondorioz goizaldetik etenda egon eta gero, 14:00ak aldera berrezarri dute metro zerbitzua; Urdulizerako bakarrik baina. Plentziaraino heltzeko autobusak jarri dituzte. Arratsaldean zehar ez dira gutxi izan, suhiltzaile eta larrialdi zerbitzuek zisterna kamio handietan metatutako ura biltzen ari ziren bitartean, uholdeak hondatutakoa ikuskatzen ibili diren denda, taberna, jatetxe, etxebizitza edota autoen jabeak. Hain zuzen ere, ugari izan dira urez gainezka amaitutako garajeetan jabeek atera ezinik geratu diren kotxeak (argazkian). Euri-jasa gogorrek jarraituko dute baina gau partean prezipitazioak gutxitzea espero da. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun