Uholdeak tarte txiki batean eta leku askotan batera gertatu ziren, “eta horregatik horri aurre egiteko ahalmena eta aukera txikia izan zen, eta gainera, uholdeak gertatu aurretik ez zen alarma faltsua eragitea auzotarren artean, gerora egi deitoragarria gertatu bazen ere”. Oraindik zenbatu barik dauden arren, kalteak oso handiak direla aipatu du Landak.
Kaltedunak eta kalteak
Hortaz, udal Larrialdi Planean aurreikusitako jarduera guztiak pertsonen segurtasuna bermatu aldera zuzendu ziren. Horregatik 70 bizilagun baino gehiago atera behar izan zituzten beren etxeetatik eta Udal Zaharren Etxera eta bi hoteletara eraman.
Alkateak esan du ordu honetan egoera nahikotxo etorri dela bere onera udalerrian eta garbiketa lanetan asko aurreratu dela. Barruko bide eta errepideak zabalik daude, Uribe Kostako korridoreko zati bat ezik, Plentziarako noranzkoan. Bi ikastetxek soilik ez dute klaserik izan gaur, Getxo I institutuak eta Larrañazubi eskolak. Gainontzekoetan klaseak normaltasunez eman dituzte.
Pertsonen segurtasuna bermatuta, Udalak bitarteko eta behargin asko ipini ditu auzotarren eskari nagusiari erantzuteko, alegia, beren etxeak eta garajeak garbitzeko eskaerari.
Elektrizitzatea
Halere, bigarren lehentasun nagusia uholdeek kaltetutako Iberdrolaren transformadoreak konpontzea da eta etenda geratu den auzoetan argindarra edukitzea berriro.
Udalak ipinitako baliabideetan sartzen dira Cesparen isurkari eta garbiketa kamioiak eta 60 behargin, FCC enpresaren tresna eta beharginak ere, udal langileak, suhiltzailzeak, Gurutze Gorria, DYA eta Babes Zibila, besteak beste. Jarduera oso zaila egin duten baliabideak.
Imanol Landak egindako lan guztietan izan den koordinazio maila bikaina nabarmendu du. Zentzu honetan, erakunde askok erakutsitako elkartasuna eta emandako laguntza eskertu du, bereziki Bizkaiko Foru Aldundiarena eta Jose Luis Bilbao diputatu nagusiarena, Bilboko Udalarena (6 ibilgailu isurkari utzi dituelako), Portugaleteko Udalarena (garbiketa taldeak eskaini dituelako), eta suhiltzaile, Gurutze Gorria eta DYArena (erreskate talde berezia), Babes Zibila eta Udaltzaingoa berarena “krisialdi honen aurrean erantzunik onena eman duelako”. Era berean, udaltzainek erakutsitako jarrera goraipatu du Landak.
Gogoratu azkenik, udal agintariek bulegoa zabaldu dutela Udaltzaingoaren Aiboako egoitzan, uholdeek kaltetutako pertsonei arreta eskaintzeko. HABetan eta Udaletxean bertan ere arreta eskaintzen zaie.
Larrialdi Planaren komunikazioan eraginkortasun falta egon dela onartu du Landak
Getxoko Udalak uholdeek eragindako kirisialdiari aurre egiteko abiatutako Larrialdi Planaren barruan egindako jarduerek pertsonen segurtasuna izan dute helburu nagusi, gaur Imanol Landa alkateak esan duenez. Udal gobernu taldeak onartu egin du alertaren gaineko komunikazio sistema, Udaltzaingoaren ibilgailuek bozgorailuetatik egindakoa, ez dela behar bezain ona izan uholdeek eragindako eremuetan eta, auzotarrek horregatik egindako kritikak aintzat hartzen dituela gerora izan litezkeen antzeko egoeretan. Komunikazio akats horiek, alkateak azaldu duenez, euri jasaren gaineko eguraldi iragarpenik ez delako eman eta egoera hasieran uste baino larriagoa gertatu zelako, metro koadroko 100 litroko euri jasak gertatu zirela. Argazkian, atzo arratsaldean auzokide batzuekin izandako elkarrizketan kritika gogorrak jaso zituen alkateak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun