Alarma bera, protokoloari jarraikiz, Ertzaintzari, Suhiltzaileei, Osakidetzari, udalei, errepide zerbitzuei, foru aldundietako basozainei eta Iberdrola, Naturgas, Metro Bilbao, ADIF, Feve bezalako beste zerbitzu publikoei zein arrantzaleen kofradiei eta kirol portuei.
Gobela eta Ibaizabal
Lehenengo gertakizunak igandean, goizeko 1etan eman ziren, hainbat lekutan lonjak eta parkingak ureztatu zirela. Kaltetutako guneak honakoak izan ziren Uribe Kostan, Herrizaingo sailaren aburuz: alde batetik, Gobelako ubidea: Getxo, Berango, Leioa, Sopela eta Urduliz, nagusiki; eta beste aldetik Bilboko Itsasadarraren eragin eremupean dagoen Erandio. Txipioko hezegunea, ordea, ez du aipatu ere egin Jaurlaritzak.
Guztira, uholdeekin erlazionatutako 924 ekintza koordinatu dira Bizkaian, SOS Deiak dela medio: errepide mozketak, lonja, denda eta garajeen uholdeak, urak harrapatutako autoak, eta abar. Gainera 4.500 dei erantzun ziren 24 ordutako epean, egun normal baten bikoitza.
Larunbatean, 19:00etan, "euri bizien" alarma eman zuela dio Herrizaingo Sailak
Herrizaingo Sailak gaur eguerdian utzi du bertan behera asteburuan indarrean izandako Uholdeen Larrialdietarako Plana, zerua atertu eta aurreikuspenak hobetu ostean. Horrekin batera, orain arteko hainbat datu eman du Eusko Jaurlaritzak, tartean hildakorik eta larri zauriturik ez dela egon nabarmendu dutela. Kalte ekonomikoei dagokienez, berriz, zenbatzeke daude. Alarmari dagokionez, "euri bizien alarma" larrialdi zerbitzuei eta udalei larunbatean eman zietela esan dute Jaurlaritzatik, hain zuzen Larrialdi Plana martxan jartzearekin batera, SOS Deiak zerbitzutik euri biziak aurreikusten zituztela abisatu bezain laster. Hortaz, metro koadroko 60 litro ur edo gehiago espero zuten. Argazkian, auto bat geldituta Aiboa kaleko parking batean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun