Txosna gunean urteroko zailtasun berdin xamarrekin aurkitu gara Leioako Udalaren partetik, jadanik konponduta beharko luketenak.
Baina nola liteke, iaz 4 eguneko egitaraua osatzeko 17.000 euroko diru laguntza emanda, aurten sei eguneko jaiei aurre egiteko soilik 9.500 euroko dirulaguntza ematea txosnen guneari? Nola liteke txosna gunearen 6 eguneko jaietako 43.000 euroko aurrekontuaren aurrean, Udalak bi kontzertutan 60.000 euro baino gehiago gastatzea? Nola liteke, urterik urte eztabaidagai berdinetan aritzea eta ez herritarren partehartzean, jaietan, edota berauen antolaketan? Nola liteke jaiak antolatzeko zailtasunak eta oztopoak, urterik urte aurkitu, eta ez gainditzea?
Maritxu Teilagorri Txosna Batzordeko kideok, gure ibilbidean gainditu bako oztopoak behin eta berriro aurkitzeaz nekatuta gaude. Hala ere, jai herrikoi eta partehartzaileen alde gure jardunean jarraituko dugu, Inauteriak antolatzen, udaberriko jaitxoak egiten, txosna gunea dinamizatzen. Leioako herriak merezi dituen jaiak antolatu eta gunea modu egokienean osatzeko lanari ekingo diogu. Jai herrikoi eta partehartzaileak aurrera!
Maritxu Teilagorri Txosna Batzordeak, jadanik, 10 urte baino gehiago daramatza lanean Leioan, jai herrikoi eta partehartzaileen alde. Auzolan luze honetan herri, kirol eta kultur talde ezberdinak izan dira partaide. Nork bere eremutik, bere ekarpena egin dio guneari eta bereziki jai herrikoien aldeko ahaleginari. Hasieran, txosna bakarra zen, urteekin 3, 5 eta egun 8 txosnek osatzen dute gunea. Burututako lanak, herrian eta herritarren artean zilegitasuna eman digu, egun osatzen dugun jai egitaraua antolatzeko. Jai herrikoi eta partehartzaileen bidean, ekimen eta egitarau ezberdinak osatu ditugu, betiere ahalik eta zabalenen egiten eta herriko jendearekin konpartitzen. Aurtengoan Leioako San Juan jaiak Ekainaren 19tik 24ra ospatuko dira. Sei egun Leioako herriak jaiaz gozatzeko. Jaietan osatzen diren gune eta eskaintza ezberdinetan parte har dezan. Baina Leioako herrian gune guztiak ez dira berdinak Udalarentzat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun