Folixa Asturiana ospatuko du larunbatean Itzubaltzeta gaztetxeak

Larunbat honetan, ekainak 7, Folixa Asturiana-ren IV. edizioak hartuko du Getxo udalerriko Itzubaltzeta / Romo herria. Urteroko ohiturak agintzen duenez, jaialdi asturiarra Asturiasetik etorritako autobusei ongi etorria emanez hasiko da goizeko 12:30ean. Ordu erdi beranduago, gaita-txikiteoa abiatuko da Itzubaltzeta gaztetxetik, Euskal Herriko sagardoa ez dela faltako. 15:30ean hasiko den herri bazkarirako txartelak gaztetxean bertan hartu ahal izango dira 5 euroen truke. 18:00etan, Villaviciosako gaiteroen kalejira egingo dute Itzubaltzeta / Romon zehar gaztetxeraino. Bertan, Asturiaseko sagardo dastaketa izango da, kontzertuetarako beroketa gisa. 20:15ean hasiko da kontzertua, asturieraz abesten duten talderik onenetarikoekin: Skama La Rede, Chalaneru Sound System eta K-Nalon. Sarrerak 4 euro balio du. Iazko argazkiak hemen daude ikusgai.